1. Samuel 4:2 - O Debleskro Drom 2021 (Sinte)

² Un i Filistarja djan ap i Israelitarjen pre. Un o kurepen was pharo. Un i Filistarja dan i Israelitarjen jaake phares, te meran lendar star-serja (4.000) mursha an kau marepen.

O Debleskro Lab 2024 (Sinte-Manouche)

² Oun i Filistarya djan ap i Israelitaryen pre. Oun o kourepen vas pharo. Oun i Filistarya dan i Israelitaryen yaake phares, te meran lendar star-zerya (4.000) morsha an kava marepen.

1. Samuel 4:2 ပူးပေါင်းရင်းမြစ်များ

Ropaskre gilja 3:40

Dikas ap maro djipen, har mer djiwah, un rissras trujel pash o baro Debleste.

4. Mose 14:45

Koi wan kol Amalekarja un kol Kanaanitarja, kai ap i berga djiwan, tele, un dan len, un lan len palla bis pash o foro Horma.

Josua 7:12

Doleske nai wenn i Israelitarja buder gar sorele pral kolende, kai kurenn pen lentsa. Un jon hunte nashenn lendar. Kanna hi jon kolla, kai hunte darenn lengro djipaske. Me hom buder gar tumentsa jaake rah, har anenn tumer gar ko koowa dran tumende krik, hoi mandar tchoran.

1. Samuel 17:21

Un o Israel un i Filistarja tchiwan pen tardo o marepaske, jek rig wergel koi wawar.

1. Samuel 17:8

Un o Goliat tchiwas pes koi tardo, un das gole ap i lurdende dran o Israel, un penas ap lende: “Hoske djan tumer lauter win un tchiwan tumen tardo o marepaske? Me hom ko jek Filistari, un tumer lauter han tchi har o Sauleskre budepangre. Rodenn jek murshes dran tumende win, te well lo kai tele pash mande!

1. Samuel 4:1

An ko tsiro wan i Filistarja khetne te kurenn le pen i Israelentsa. Un o Israel djas win an o kurepen lentsa. Un i Israelitarja his tardo pash Eben-Eser, un i Filistarja pash o foro Afek.

1. Samuel 4:10

Un i Filistarja maran pen i Israelentsa un dan len. Un i Israelitarja nashan penge, hakeno an peskro plachteno kheer. Un jon wan phares dino, jaake phares, te meran lendar trijanda-serja (30.000) mursha.

1. Samuel 4:3

Un har i lurde pale ap pengri platsa wan, putchan i phureder dran Israel: “Hoske kras o baro Dewel, te dan men i Filistarja kau diwes? Mer te las o mochton dran Shilo pash mende, kai o Debleskre deesh laba dren hi. Palle hi o baro Dewel mashkral mende, un lell men win dran i wasta kolendar, kai kurenn pen mentsa.”