1. Samuel 4:18 - O Debleskro Drom 2021 (Sinte)

¹⁸ Un har job pral ko mochton rakras, peras o Eli palstunes peskri beshepaskri tele, hoi pash o wudar tardo hi. O Eli his jaake phuro un pharo, te phagas lo peskri meen, un meras. Job his o tchatchepaskro mursh pral o Israel star-deesh bersha.

O Debleskro Lab 2024 (Sinte-Manouche)

¹⁸ Oun har yob pral ko morhton rakras, peras o Eli palstounes peskri beshepaskri tele, hoy pash o voudar tardo hi. O Eli his yaake phouro oun pharo, te phagas lo peskri meen, oun meras. Yob his o čačepaskro morsh pral o Israel star-deesh bersha.

1. Samuel 4:18 ပူးပေါင်းရင်းမြစ်များ

Debleskri gili 26:8

Me kamau o kheer, kai tu djiweh, miro tselo djijestar, un koi platsa, kai tiro railepen diklo wella.

Debleskri gili 42:10

Me penau ap miro Debleste, kai hi mange har i sorelo kheer, kai nai khatrau man: Hoske bistral tu man? Hoske hunte rowap me? Kolla djan ap mande, kai mange o djipen phares krenna.

Debleskri gili 42:3

Awa, man hi trush pal o Debleste, pal ko djido Debleste. Kaana nai wau glan tute an tiro kheer, te dikap tut?

Debleskri gili 69:9

Wom har i gadjo mire phralenge. I tchawe miri datar prindjrenn man buder gar.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

Čačepangre 15:20

Un an ko tsiro, kai i Filistarja i raja his pral o them, his o Simson biish bersha o tchatchepaskro rai pral o Israel.

1. Samuel 4:13

Un har job an o foro was, his o Eli win ap i beshepaskri beshdo, un dikas ap o drom. Leskro dji daras trul ko mochton, kai o Debleskre deesh laba dren hi. Un har ko mursh an o foro dren was, penas lo i menshenge koi, hoi was. Un ko tselo foro das gole.

1. Samuel 4:17

Koi penas ko bitchepaskro: “O Israel nashas glan i Filistarja. Kolla dan men phares, un tire dui tchawe, o Hofni un o Pinhas hi mule, un ko mochton, kai o Debleskre deesh laba dren hi, lan le mendar.”

1. Samuel 4:19

Un i romni o Eljeskro tchawestar o Pinhas, his an wawar koowa, jaake dur te hunte was o ternepen boldo. Un har joi shunas te lan le o mochton lendar, kai o Debleskre deesh laba dren hi, un te meras lakro romeskro dad, un ninna lakro rom, tapran lat i duka, un o ternepen was boldo.