1. Samuel 4:10 - O Debleskro Drom 2021 (Sinte)

¹⁰ Un i Filistarja maran pen i Israelentsa un dan len. Un i Israelitarja nashan penge, hakeno an peskro plachteno kheer. Un jon wan phares dino, jaake phares, te meran lendar trijanda-serja (30.000) mursha.

O Debleskro Lab 2024 (Sinte-Manouche)

¹⁰ Oun i Filistarya maran pen i Israelentsa oun dan len. Oun i Israelitarya nashan penge, hakeno an peskro plarhteno kheer. Oun yon van phares dino, yaake phares, te meran lendar triyanda-zerya (30.000) morsha.

1. Samuel 4:10 ပူးပေါင်းရင်းမြစ်များ

2. Samuel 18:17

Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

2. Samuel 18:7

Un o kurepen his sorelo. Un o Davideskre lurde dan o Israeleskre lurden. Un lendar meran ap ko diwes biish-serja lurde.

2. Samuel 19:8

Ste kanna pre! Un am win, un rake tire lurdentsa kamles. Me dau man sowel ap o baro Debleste: Te weh tu gar win, atchell kek mursh kai rati pash tute. Kowa wals tuke djungleder har ko tselo wawar djungelo koowa, hoi pral tute was, fun ko tsiro, kai tikno hals bis kanna.”

2. Samuel 20:1

Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

1. Rajengro liil 12:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

1. Rajengro liil 22:36

Har o kham tele djas, shunan i lurde, har lengro pralstuno gole das: “Hakeno nai djal an peskro them un an peskro foro,

2. Rajengro liil 14:12

Un i mursha dran Juda wan i murshendar dran Israel dino. Un jon nashan penge, hakeno an peskro kheer.

2. Familjakro liil 13:17

Jaake was, kai o Abija un leskre lurde kol wawaren soreles dan. Lendar atchan 500.000 (pantch-sheel-serja) wi-rodede lurde mules tchiddo.

2. Familjakro liil 25:22

Un i mursha dran Juda wan i murshendar dran Israel dino. Un jon nashan penge, hakeno an peskro kheer.

Debleskri gili 78:9

Jaake his i mursha dran o kheer Efrajim: Ninna le haiwan le mishto o bogeha trujel te djal, nashan le penge ap o diwes, kai o kurepen hi.

Jeremia 7:12

Djan pash ko foro Shilo, kai glan rah tsiro miro kheer tardo his. Un dikenn, hoi me kote krom doleske, kai mire menshe Israel tchilatchepen kran.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

5. Mose 28:15

Shunenn tumer gar ap tumaro baro Debleste un krenn gar, hoi lo tumendar kamell, un rikrenn tumen gar ap leskre laba, hoi me tumenge kau diwes penom, palle well kai tseli bibacht pral tumende:

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.

1. Samuel 3:11

Un o baro Dewel penas ap o Samuel: “Me krau i koowa an Israel. Un koon kolestar shunella, koleske dukenna palle peskre dui kanda.

1. Samuel 4:2

Un i Filistarja djan ap i Israelitarjen pre. Un o kurepen was pharo. Un i Filistarja dan i Israelitarjen jaake phares, te meran lendar star-serja (4.000) mursha an kau marepen.