1. Samuel 31:8 - O Debleskro Drom 2021 (Sinte)

⁸ Un ap ko diwes pal o kurepen wan i Filistarja, te randenn le lauter kolendar, kai kote mulo tchiddo hi. Un koi pashel hatsan le o Saules un leskre triin tchawen mules ap koi berga Gilboa tchiddo.

O Debleskro Lab 2024 (Sinte-Manouche)

⁸ Oun ap ko dives pal o kourepen van i Filistarya, te randenn le lauter kolendar, kay kote moulo čiddo hi. Oun koy pashel hatsan le o Saules oun leskre triin čaven moules ap koy berga Gilboa čiddo.

1. Samuel 31:8 ပူးပေါင်းရင်းမြစ်များ

2. Samuel 1:20

Penenn kowa gar an ko foro Gat, un rakrenn gar koi pral ap i dromma an Ashkelon, te wenn gar bachtelo i djuwja an Filistia, te denn le gar gole i bachtjatar, kolla tcha kolendar, kai gar tchinle hi ap pengro mass!

2. Samuel 1:21

Tumer berge Gilboa: Kek sapanepen un kek brishin te well ap tumende! Kek djob te well baro ap tumari phub! Kol shilte mare tchatche murshendar hi kote tchiddo. Awa, o Sauleskro shilto hi buder gar dren maklo o djeteha.

1. Familjakro liil 10:8

Un ap ko diwes pal o kurepen wan i Filistarja, te randenn le lauter kolendar, kai kote mulo tchiddo hi. Un koi pashel hatsan le o Saules un leskre tchawen mules ap koi berga Gilboa tchiddo.

2. Familjakro liil 20:25

Kote djan o Josafat un leskre lurde, te lenn le kowa, hoi i mule lurden pash pende his, un hatsan bud viechen, brawlepen, ripja un kutch koowa. Jaake bud his, te nai hidjran le les gar halauter. Triin diwessa his le koi, te lenn le o tselo koowa, jaake bud his kowa.

1. Samuel 28:4

Har kanna i Filistarja khetne wan, un tchiwan pengre plachtene khera pre pash o foro Shunem, koi mukas o Saul i tsele Israelengre murshen khetne te well. Un jon tchiwan pengre plachtene khera pre ap koi berga Gilboa.

1. Samuel 31:7

Har shunan kol Israelitarja, kai djiwan wergel i tala Jesreel un wergel o pani Jordan, te nashan penge i Israelengre lurde, un kai meras o Saul un leskre tchawe, kote nashan jon dran pengre forja un nashan penge ninna. Un i Filistarja wan koi un djiwan an kol forja.

1. Samuel 31:9

Un jon dan leske o shero tele, un lan leske leskro sasterno ripen, un bitchran murshen koleha lautereha an o tselo them Filistia trujel, te sikrenn le i menshende un lengre chochene deblen, hoi djas.