1. Samuel 31:6 - O Debleskro Drom 2021 (Sinte)

⁶ Jaake meras o Saul un leskre triin tchawe, un leskro hidjepaskro lurdo, un kol tsele mursha, kai pash leste his, ap ko jek diwes.

O Debleskro Lab 2024 (Sinte-Manouche)

⁶ Yaake meras o Saul oun leskre triin čave, oun leskro hidjepaskro lourdo, oun kol tsele morsha, kay pash leste his, ap ko yek dives.

1. Samuel 31:6 ပူးပေါင်းရင်းမြစ်များ

2. Samuel 1:1

O David shunas, kai o Saul meras, har was lo dran o kurepen kol Amalekentsa pale pale, un atchas dui diwessa an o foro Ziklag.

2. Samuel 1:12

Jon rowan o tselo diwes. Un chan tchi bis te was i rati. Pral o Sauleste rowan le, un pral leskro tchaweste Jonatan, un pral o baro Debleskre menshende, i Israelitarja, kai wan maredo i chareha.

1. Familjakro liil 10:6

Jaake meras o Saul un leskre triin tchawe, un leskro tselo kheer.

Čačepangre 9:54

Koi das lo sik gole ap peskro budepaskro, kai leske o charo hidjrell, un penas ap leste: “Le tiro charo, un de man temerl, te penell kek mandar: ‘I djuwel das les temerl.’” Un leskro budepaskro das les tele tchurje, jaake te meras lo.

1. Samuel 11:15

Un jon lauter djan pre an Gilgal. Un kote, pash o Debleskro kheer tchiwan le o Saules pral pende, te well lo lengro baro rai. Un kote maran le viechen o baro Debleske, un kran i baro chapen. Un o Saul un i tsele Israelitarja chan un pijan bachteles khetne.

1. Samuel 12:17

Kanna hi o tsiro, kai o djob dren anlo well. Tumer djinenn, kowa hi gar o tsiro, kai dell brishin. Un me dau kanna ap o baro Debleste gole, te bitchrell job brishin un mukell o bolepen gole te dell. Palle haiwenn tumer, te his kowa, hoi kran, i baro tchilatchepen glan o baro Debleste, har mangan mandar i baro rajes pral tumende.”

1. Samuel 12:25

Tumer te atchenn ap tumaro tchilatcho drom, palle djan tumer un tumaro rai nashedo.”

1. Samuel 26:10

Palle penas lo: “Me dau man sowel pash o djido Debleste: Job kokres marell les, nai well ap leskro tsiro, kai hunte merell lo, nai well an o marepen.

1. Samuel 28:19

Ninna i Israelitarjen dell o baro Dewel tuha khetne an i Filistarengro wast. Taissar hal tu un tire tchawe pash mande. Un i tsele Israelengre lurden dell o baro Dewel an o Filistarengro wast!”

1. Samuel 31:5

Un har ko hidjepaskro lurdo dikas, te hi o Saul mulo, mukas job pes ninna an peskro charo te perell un meras o Sauleha.

1. Samuel 31:7

Har shunan kol Israelitarja, kai djiwan wergel i tala Jesreel un wergel o pani Jordan, te nashan penge i Israelengre lurde, un kai meras o Saul un leskre tchawe, kote nashan jon dran pengre forja un nashan penge ninna. Un i Filistarja wan koi un djiwan an kol forja.