1. Samuel 31:10 - O Debleskro Drom 2021 (Sinte)

¹⁰ Un jon tchiwan leskro charo un leskro witsepaskro tchuri an o kheer, kai lengri debletsa, i Astarte, his. Un o mulo Saul dan le sasterentsa ap i massuri, hoi hi trul o foro Bet-Shean.

O Debleskro Lab 2024 (Sinte-Manouche)

¹⁰ Oun yon čivan leskro rharo oun leskro vitsepaskro čouri an o kheer, kay lengri debletsa, i Astarte, his. Oun o moulo Saul dan le sasterentsa ap i massouri, hoy hi troul o foro Bet-Shean.

1. Samuel 31:10 ပူးပေါင်းရင်းမြစ်များ

Josua 17:11

An kol dui themma Asser un Issachar his forja tchiddo, kolla wan o Manasseske dino. Kal forja his: Bet-Shean, Jibleam un Dor, hoi kharell ninna Nafot-Dor; palle En-Dor, Taanach un Megiddo. Koi pashel his kol gaba, hoi his trul kal forja tchiddo.

Čačepangre 1:27

I mursha dran o kheer Manasse tradan gar i menshen krik dran i forja Bet-Shean, Taanach, Dor, Jibleam un Megiddo, witar gar dran i gaba pash kol forja. Jaake atchan i Kanaanitarja an ko them un djiwan kote.

Čačepangre 2:13

Un jon mukan o baro Debles un mangan o debles Baal an un ninna i debletsa Astarte.

1. Samuel 21:9

Un o David putchas o Ahimelech: “Hi tut kek witsepaskro tchuri, witar kek charo kai pash tute? Me lom miro charo un wawar kurepaskro koowa gar mantsa. Man his kek tsiro koleske. O rajeskro koowa hunte djas sik.”

1. Samuel 31:12

kran pen i tsele tchatche mursha ap o drom, un djan i tseli rat un wan an Bet-Shean, un lan o mulo Saules un leskre mule tchawen koi massuri tele, un anan len an o foro Jabesh pale. Un kote chatchran le len.

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”