1. Samuel 31:1 - O Debleskro Drom 2021 (Sinte)

¹ I Filistarja maran pen i Israelentsa. Un i Israelitarja nashan glan lende, un bud lendar wan ap i berga Gilboa mulo dino.

O Debleskro Lab 2024 (Sinte-Manouche)

¹ I Filistarya maran pen i Israelentsa. Oun i Israelitarya nashan glan lende, oun boud lendar van ap i berga Gilboa moulo dino.

1. Samuel 31:1 ပူးပေါင်းရင်းမြစ်များ

2. Samuel 1:21

Tumer berge Gilboa: Kek sapanepen un kek brishin te well ap tumende! Kek djob te well baro ap tumari phub! Kol shilte mare tchatche murshendar hi kote tchiddo. Awa, o Sauleskro shilto hi buder gar dren maklo o djeteha.

2. Samuel 1:6

Ko terno mursh penas: “Me wom ap koi berga Gilboa. Koi dikom, har o Saul paash ap peskro witsepaskro tchuri pre-tchiddo his. Un kol kurepangre, kai ap kol wurdja tardo his, djan soreles ap leste.

2. Samuel 4:4

Ninna o Sauleskro tchawes, o Jonatanes, his i tchawo. Kowa his bango ap hake dui herja. Job his pantch bersh har leskro papo, o Saul, un leskro dad, o Jonatan, marede wan an Jesreel. Har kowa leskri familja shunas, hadas les koi djuwel pre, kai ap leste jak das, un nashas peske. Un har joi sik krik nashas, peras job, un his bango fun ko tsiro. Job kharell Mefi-Boshet.

1. Samuel 12:25

Tumer te atchenn ap tumaro tchilatcho drom, palle djan tumer un tumaro rai nashedo.”

1. Samuel 28:1

An kol diwessa dan i Filistarja pengre tsele lurden khetne gole, te djan le an o kurepen i Israelentsa. Un o Achish penas ap o David: “Tu djiness, te hunte djas tu un tire mursha mantsa khetne an kau kurepen.”

1. Samuel 28:15

Un o Samuel putchas o Saulestar: “Hoske lal tu man dran miro sopen win, un mukal man pre te well?” Un o Saul penas: “Me hom an bari daar! I Filistarja djan an o kurepen te marenn le pen mantsa. Un o baro Dewel djas peske mandar, un rakrell gar buder ap mande. Leskre rakepangren hi kek lab mange, witar gar rakrell lo mantsa an sunja. Kote mukom me tut pale gole te dell, te peness mange, hoi me hunte krap!”

1. Samuel 28:19

Ninna i Israelitarjen dell o baro Dewel tuha khetne an i Filistarengro wast. Taissar hal tu un tire tchawe pash mande. Un i tsele Israelengre lurden dell o baro Dewel an o Filistarengro wast!”

1. Samuel 28:4

Har kanna i Filistarja khetne wan, un tchiwan pengre plachtene khera pre pash o foro Shunem, koi mukas o Saul i tsele Israelengre murshen khetne te well. Un jon tchiwan pengre plachtene khera pre ap koi berga Gilboa.

1. Samuel 29:1

I Filistarja lan pengre lurden khetne pash o foro Afek. Un o Israelengre lurde tchiwan pengre plachtene khera pre pash o tikno lengsto pani glan o foro Jesreel.