1. Samuel 30:17 - O Debleskro Drom 2021 (Sinte)

¹⁷ Un o David peras pral lende o wawar diwes taissarlakro un maras len o tselo diwes bis ap i rat. Un kek lendar nai nashas peske, kokres 400 (star-sheel) terne mursha beshan ap khamele, un nashan.

O Debleskro Lab 2024 (Sinte-Manouche)

¹⁷ Oun o David peras pral lende o vavar dives taysarlakro oun maras len o tselo dives bis ap i rat. Oun kek lendar nay nashas peske, kokres 400 (star-sheel) terne morsha beshan ap khamele, oun nashan.

1. Samuel 30:17 ပူးပေါင်းရင်းမြစ်များ

2. Samuel 1:1

O David shunas, kai o Saul meras, har was lo dran o kurepen kol Amalekentsa pale pale, un atchas dui diwessa an o foro Ziklag.

2. Samuel 8:12

Kolla his i menshe an i themma Edom, Moab, Ammon, Filistia, Amalek. Ninna kowa tchiwas lo an o Debleskro kheer, hoi las lo o rajestar pral o foro Zoba, o Hadad-Eser, koleskro dad o Rehob hi.

2. Rajengro liil 7:5

Un har i rat was, djan le, te wenn le pash kol lurdende dran Syria. Un har jon kote wan, his kek buder koi.

1. Familjakro liil 4:43

Un jon maran kolen, kai atchan pral kolendar dran Amalek, kai nashan penge kote. Un kate djiwenn le gomme kau diwes.

Debleskri gili 18:42

Fothe dan le gole, his kek koi, kai nai lals len dran miro wast win. Ap o baro Debleste dan le gole, un job rakras gar pale ap lende.

Jeremia 41:15

O Jishmael khetne ochta murshentsa nashas peske un djas pash i Ammonarja.

Čačepangre 4:16

Un o Barak peskre murshentsa las kol wurdja un kol lurden palla bis pash o foro Haroshet-Gojim un das len lauteren mulo o chareha. Kek lendar atchas pral.

Čačepangre 7:12

Un i Midianarja un i Amalekarja un lauter, kai wan kotar, kai o kham pre djal, his kote tchiddo an o telstuno them un tchakran o them har i stepangre. Jaake bud his le. Un lengre khamele his jaake bud, te djinas kek, har bud jon hi. Kolla his jaake bud har i santa pash o baro pani.

1. Samuel 11:11

Sik taissarlakro mukas o Saul peskre lurden jaake khetne tardo te well, te his hako kopo i triinto kotar khetne tardo. Jaake djan le triin rigjendar ap i platsa, kai i Ammonarja hi. Kowa his gomme glan o tsiro, kai o kham pre djas. Un jon maran i Ammonarja bis mashkral o diwes. Un kolla, kai djides atchan, nashan penge, jaake te atchan gar dui lendar khetne.

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”