1. Samuel 30:15 - O Debleskro Drom 2021 (Sinte)

¹⁵ Un o David putchas lestar: “Kameh tu man pash kol marepangre anell?” Un job penas: “De tut ap o Debleste sowel, te deh man gar mulo, un te deh man gar an o wast miro rajestar, palle anau tut tele pash kal marepangre.”

O Debleskro Lab 2024 (Sinte-Manouche)

¹⁵ Oun o David poučas lestar: “Kameh tou man pash kol marepangre anell?” Oun yob penas: “De tout ap o Debleste sovel, te deh man gar moulo, oun te deh man gar an o vast miro rayestar, palle anau tout tele pash kal marepangre.”

1. Samuel 30:15 ပူးပေါင်းရင်းမြစ်များ

1. Mose 24:3

un de tut sowel ap o baro Debleste, ap o Debleste pral o bolepen un i phub, te less miro tchaweske kek romjat, kai well kate dran o them Kanaan.

Ezekiel 17:13

Un job las o rajeskre tchawendar jekes, un kras leha win, te well job o rai pral o them Juda, un mukas les i sowel te dell, te perell lo gar lestar tele. I pralstunen dran ko them las lo pandles an Babilonia,

Ezekiel 17:16

Me dau man sowel pash miro djipen, penell o baro Dewel, maro rai: Ko rai pral Juda phagas peskri sowel, un rikras gar dren, hoi lo o baro rajeha dran o them Babilonia win kras, koleha, kai les rai kras. Doleske merell lo an koleskro foro – mashkral an Babilon.

Ezekiel 17:19

Doleske penell o baro Dewel, maro rai: Jaake har tchatcho hi, kai djiwau, jaake hi tchatcho, te anap ap leskro shero pale, hoi lo kras. Job phagas peskri sowel, hoi das lo glan mande, un rikras gar dren, hoi lo mantsa win kras.

Josua 2:12

Kanna denn tumen kate sowel pash o baro Debleste, te wenn latches ap miro dadeskro kheer, jaake har me latches ap tumende homs. Un denn man tchomone, hoi sikrell man,

Josua 9:15

Un o Josua kras lentsa win, te well kek kurepen mashkral lende dujende. Un job das peskro wast koi pre, te mukell lo len te djiwell. Un i pralstune pral o Israel dan pen ninna sowel koi pre.

Čačepangre 1:24

Un kolla dikan i murshes dran o foro win te well, un penan ap leste: “Sike men, har nai wah mer an o foro dren, palle krah mer tuke tchi.”

1. Samuel 29:6

Un o Achish das o David pash peste gole un penas ap leste: “Me dau man sowel pash o djido Debleste, me patsau, te hal tu i tchatcho mursh. Un mange wals mishto, tu te djals mantsa an o kurepen. Me nai hatsom kek tchilatchepen ap tute, jaake rah har pash mande wal, bis ap kau diwes. An i jaka i wawar rajendar hi kowa gar jaake. Jon kamenn tut gar!

1. Samuel 30:14

Mer peram dren an o them Negev, kai i Kretarja djiwenn, un an o them Juda, un an o them Negev, kai kolla djiwenn, kai wenn pal o Kaleb. Un o foro Ziklag chatchram pre.”

1. Samuel 30:16

Un job anas len tele, un jon dikan, te his i Amalekarja buder gar khetne. Jon his beshdo an o tselo them, chan un pijan un khelan. Jaake bachtelo his le pral ko tselo koowa, hoi lan le pentsa dran kol themma Filistia un Juda.