1. Samuel 29:10 - O Debleskro Drom 2021 (Sinte)

¹⁰ Jaake kre tu tut ap o drom sik taissarlakro khetne kol lurdentsa tiro rajestar, o Saulestar, kai tuha wan! Un djan tumenge, har o kham pre djala!”

O Debleskro Lab 2024 (Sinte-Manouche)

¹⁰ Yaake kre tou tout ap o drom sik taysarlakro khetne kol lourdentsa tiro rayestar, o Saulestar, kay touha van! Oun djan t'menge, har o kham pre djala!”

1. Samuel 29:10 ပူးပေါင်းရင်းမြစ်များ

1. Mose 22:14

O Abraham das koi platsa ko lab ‘O baro Dewel dikella’. Jaake well bis kai diwes penlo: ‘Ap koi berga, kai o baro Dewel dikella’.

1. Familjakro liil 12:19

Kote was o Debleskro ducho pral o Amasai, ko pralstuno pral i trijanda sorele kurepangre, un job penas: David, tire ham mer! ap tute rikrah men, tu o Isajeskro tchawo! Latchepen un bacht mu well pral tute, un ninna pral kolende, kai pash tute hi! Tiro Dewel hi ap tiri rig! Koi las len o David pash peste, un kras lendar pralstune pral peskre lurdende.

1. Familjakro liil 12:22

Un jon wan o Davideske ap i rig, un kuran pen kol murshentsa, kai dan pen kote trujel un tchoran i menshen win. Kol mursha dran o kheer Manasse his halauter latche kurepangre un wan pralstune pral i lurdende.

1. Korintarja 10:13

Della sawo koowa, hoi kamell tumen o Debleskro dromestar tele te anell. Dikenn, sawo koowa was ninna ap wawar menshende. Te well pharo koowa ap tumende, dell o Dewel tumen koi soor, te nai hidjrenn kowa. Job hatsell i drom, te wenn pale kote win.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

1. Samuel 29:11

Un o David un kol mursha, kai pash leste his, kran pen sik taissarlakro ap o drom, te nai djan le pale an o them Filistia. Un i Filistarja djan pre ap o drom an o foro Jesreel.