1. Samuel 28:6 - O Debleskro Drom 2021 (Sinte)

⁶ Un o Saul putchas o baro Debles, hoi te krell lo. Un kowa penas leske tchi, das les kek suni, rakras gar leha kol tikne barrentsa, hoi witsedo wan, te sikrenn le, hoi kerdo hunte wella. Witar gar nai penas leske i Debleskro rakepaskro, hoi te krell lo.

O Debleskro Lab 2024 (Sinte-Manouche)

⁶ Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.

1. Samuel 28:6 ပူးပေါင်းရင်းမြစ်များ

2. Samuel 22:42

Jon dikan pal jekeste, kai lenge ap i rig well. Un kek his koi. Ap o baro Debleste dan le gole, un job rakras gar pale ap lende.

Debleskri gili 74:9

Kek sikepen hi buder kai, hoi men sikrell, te hal tu pash mende. Kek Debleskro rakepaskro hi buder kai. Un kek djinella, har rah kowa jaake atchell.

2. Mose 28:20

Telstunes kol barra, hoi kharenna: Krisolit, Onyx un Jaspis. Tchip kol barra an sonakangre gustria.

2. Mose 28:30

An ko betcheskri possita tchip kol dui tikne koola, hoi kharenna ‘momeli’ un ‘tchatchepen’, te wenn le ap o dji o Aronestar, te djal o Aron dren pash mande. Kol dui tikne koola, kolentsa tumer win hatsenn, hoi me, o baro Dewel, i Israelendar kamau, kolen hidjrell lo ap peskro dji, te well lo glan mande.

Gosewe laba 27:1

Ma share tut pral kowa, hoi hi tut glan o wawar diwes! Tu djineh gar, hoi tuke ko diwes anell.

Jeremia 23:28

Te dell i rakepaskro suni, mu penell lo peskri suni! Kowa, kai lell i lab mandar, kowa te penell ko lab mishto dureder! Me, o baro Dewel penau tumenge: O phuss un o djob hi gar o emligo koowa. Jaake hi witar gar emligo ko rakepen, hoi kol chochene rakepangre rakrenna, un o rakepen, hoi mandar wella.

Ropaskre gilja 2:9

O foreskre wudja peran un hi tchiddo an i tchik. Lengre pesse pandepangre kashta phagas lo an kotja. Lengro baro rai un lengre pralstune djiwenn an wawar themma. Kek hi koi, kai sikrell i menshenge o Debleskro drom. O Debleskre rakepangren hi buder tchi te penell. O baro Dewel sikras len tchi.

3. Mose 8:8

Palle tchiwas lo o betcheskri possita ap leste. Un an koi possita tchiwas lo kol dui tikne koola, hoi kharenna ‘momeli’ un ‘tchatchepen’.

Micha 3:7

Un i dikepangre hunte ladjenn pen, un i durkepangre wenn sapaske. Kek lab o Deblestar hi pash lende. I ladjatar hunte rikrenn le halauter i diklo glan pengro mui.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

Mateo 1:20

Har leske kowa an o shero trujel djas, was o Debleskro bolepaskro pash leste an i suni, un penas: “Josef, tu Davideskro tchawo, ma traash, te less i Mariat pash tute, te romedineress lat! O ternepen was dran o Debleskro Ducho an late.

Johanni 9:31

Mer halauter djinah, kai o Dewel ap kekeste shunella, kai djal gar ap leskro drom. O Dewel shunell ap koleste, kai darell lestar un djiwell jaake, har job kamella.

5. Mose 33:8

Un pral o kheer Levi penas lo: Baro Dewel, de i Levitarjen kol barra, hoi sikrenn, hoi tu kameh, te well kerdo! Jon rikran ap tute pash i panja Massa un Meriba, har kamal te djinell: Shunenn le ap tute, ninna te well kowa lenge phares?

Jakobo 4:3

Te mangell jek tumendar tchomone o Deblestar, mangell lo sawo koowa, hoi gar mishto hi, un hoi dran leskro tchilatcho dji wella. Doleske dell les o Dewel kowa gar.

1. Samuel 14:37

Un o Saul putchas o Debles: “Djap me tele un lap i Filistarjen palla? Kameh tu len an o Israeleskro wast te dell?” O Dewel rakras ko diwes gar o Sauleha.

1. Samuel 28:15

Un o Samuel putchas o Saulestar: “Hoske lal tu man dran miro sopen win, un mukal man pre te well?” Un o Saul penas: “Me hom an bari daar! I Filistarja djan an o kurepen te marenn le pen mantsa. Un o baro Dewel djas peske mandar, un rakrell gar buder ap mande. Leskre rakepangren hi kek lab mange, witar gar rakrell lo mantsa an sunja. Kote mukom me tut pale gole te dell, te peness mange, hoi me hunte krap!”

1. Samuel 28:5

Har o Saul kol bud lurden i Filistarendar dikas, tapras les i bari daar.