1. Samuel 28:1 - O Debleskro Drom 2021 (Sinte)

¹ An kol diwessa dan i Filistarja pengre tsele lurden khetne gole, te djan le an o kurepen i Israelentsa. Un o Achish penas ap o David: “Tu djiness, te hunte djas tu un tire mursha mantsa khetne an kau kurepen.”

O Debleskro Lab 2024 (Sinte-Manouche)

¹ An kol divessa dan i Filistarya pengre tsele lourden khetne gole, te djan le an o kourepen i Israelentsa. Oun o Akish penas ap o David: “Tou djiness, te hounte djas tou oun tire morsha mantsa khetne an kava kourepen.”

1. Samuel 28:1 ပူးပေါင်းရင်းမြစ်များ

1. Samuel 13:5

Ninna i Filistarja wan khetne, te djan le an o kurepen i Israelentsa: 3.000 (trijanda-serja) wurdja, un 6.000 (shob-serja) murshentsa koi pre, ninna bud lurde, kai nashenn, jaake bud har i santa pash o baro pani hi. Kolentsa djan le pre un tchiwan pen pash o foro Michmas tardo ap koi rig o forestar Bet-Awen, kai o kham pre djal!

1. Samuel 17:1

Un i Filistarja lan pengre lurden khetne pash o foro Socho an o them Juda. Un kolla tchiwan pengre plachtene khera pre mank o foro Socho un o foro Aseka pash o foro Efes-Dammin.

1. Samuel 27:12

Un o Achish patsas o Davides, un penas peske: “Job kras pes pash peskre menshende Israel jaake khandles, te atchell lo hako tsireske miro budepaskro.”

1. Samuel 31:1

I Filistarja maran pen i Israelentsa. Un i Israelitarja nashan glan lende, un bud lendar wan ap i berga Gilboa mulo dino.

1. Samuel 7:7

Har i Filistarja shunan, te wan i Israelitarja khetne an Mizpa, djan lengre raja pengre lurdentsa win, te kurenn le pen i Israelentsa. Har i Israelitarja kowa shunan, tapras len i bari daar.