1. Samuel 27:1 - O Debleskro Drom 2021 (Sinte)

¹ O David penas peske an peskro dji: “Well ko diwes, kai perau o Sauleske an i wasta, un job dell man mulo! O feteder mange hi, te djap jaake sik har djala an o them Filistia. Palle mukell o Saul mandar tele, un rodell man buder gar an o tselo them Israel. Un job nai krell man tchi buder!”

O Debleskro Lab 2024 (Sinte-Manouche)

¹ O David penas peske an peskro dji: “Vell ko dives, kay perau o Sauleske an i vasta, oun yob dell man moulo! O feteder mange hi, te djap yaake sik har djala an o them Filistia. Palle moukell o Saul mandar tele, oun rodell man bouder gar an o tselo them Israel. Oun yob nay krell man či bouder!”

1. Samuel 27:1 ပူးပေါင်းရင်းမြစ်များ

1. Rajengro liil 12:26

Un o Jerobeam rakras an peskro dji: Te krau tchi, perell o them pale ap o Davideskre tchawende.

1. Rajengro liil 12:28

Un o rai Jerobeam djinas pash peste, hoi nai krell lo, un mukas dui sonakangre terne grumjen te krell, un penas ap i menshende: “Tumer Israelitarja, hi doha, kai djan tumer jaake rah an Jerusalem, te mangenn o Debles an. Kate hi tumare debla, kolla anan tumen dran o them Egiptia!”

1. Rajengro liil 19:3

Un har o Elija kowa shunas, tapras les i daar, un job nashas peske, te atchell lo djido. Jaake was lo an o foro Beersheba. Ko his i foro an o them Juda. Un kote mukas lo peskro budepaskres.

2. Familjakro liil 25:17

Un o Amazja, ko baro rai pral Juda, putchas wawarendar, hoi te krell lo, un bitchras bitchepangre pash o Joash, ko baro rajeste pral o them Israel. Koleskro dad his o Joahas, un leskro papo his o Jehu. Un mukas leske te penell: “Ab pash mende, mer kamah te dikell, koon o sorleder mendar hi!”

Debleskri gili 116:11

Homs jaake phagedo, te penom: “I tsele menshe hi chochene.”

Debleskri gili 55:7

Kamoms mussja har i tchirklo, te nai hadoms man pre un djoms krik, un hatsoms i platsa, kai nai krell man kek tchomone.

2. Mose 14:12

Penam tuke gar, har hams an o them Egiptia: Muk tele mendar! Mer kamah i Egiptarenge te budrell. Feteder i Egiptarenge te budrell, har kate an o mulo them te merell.”

Gosewe laba 13:12

Te dikell jek i rah tsiro ap tchomone, un kowa well gar, well leskro dji pharo. Te well kowa, ap hoi jek jaake rah dikas, palle djiwell leskro dji pale pre.

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

Mateo 14:31

O Jesus rikras leske o wast koi, tapras les, un penas ap leste: “Tiro patsepen hi tikno. Hoske patsal man gar?”

Markus 4:40

Un job penas ap lende: “Hoske trashenn tumer jaake? Hi tumen kek patsepen?”

2. Korintarja 7:5

Har wam an o them Macedonia, was haki rigjatar pharo koowa ap mende. His menshe koi, kai tchingran pen mentsa. Un men his i bari daar. Jaake lam kek newi soor.

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.

1. Samuel 20:3

O David penas: “Tiro dad haiwas, te hom tiro maal. Doleske penas lo peske: ‘O Jonatan hunte djinell kowa gar, te dukrell kowa les gar.’” Un o David penas dureder: “Me dau man sowel glan o djido Debleste un glan tute: Mashkral mande un o merepen hi gar budeder har jek herjakro stakepen!”

1. Samuel 22:5

Un o Debleskro rakepaskro, o Gad, penas ap o David: “Ma atch an ko khatepen ap koi berga, dja khere an o them Juda!” Un o David djas un was an o weesh Heret.

1. Samuel 23:17

Un o Jonatan penas ap o David: “Ma dare, miro dadeskro wast nai hatsell tut gar. Tu weh o baro rai pral o Israel. Un me wau o duito pal tute. Un ninna miro dad, o Saul, djinell kowa mishto.”

1. Samuel 25:30

Un ap ko tsiro, kai das tut o baro Dewel ko tselo latchepen, hoi job tut peskro lab pre das, un kras, te wal o baro rai pral o Israel,

1. Samuel 26:19

Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’

1. Samuel 29:2

Un i pralstune Filistarja djan pengre shelentsa un pengre serjentsa. Un pal lende djas o Achish o Davideha un leskre murshentsa.

1. Samuel 29:3

Kote putchan i pralstune lurde: “Hoi krenn kal Hebrearja kai?” Un o Achish penas lenge: “Kawa hi o David. Job his i kurepaskro o Sauleske, ko rajeske pral o Israel. Glan budeder har jek bersh was lo pash mande. O tselo tsiro, har peras lo tele o Saulestar bis kanna hatsom tchi ap leste, hoi gar mishto hi.”