1. Samuel 26:21 - O Debleskro Drom 2021 (Sinte)

²¹ Un o Saul penas: “Me lom doosh ap mande, miro tchawo. Am pale pale! Me kamau tuke buder kek tchilatchepen te krell. Dikau, miro djipen his kau diwes kutch an tire jaka! Kowa hoi me krom, his dineles, un anom bari doosh ap mande!”

O Debleskro Lab 2024 (Sinte-Manouche)

²¹ Oun o Saul penas: “Me lom doosh ap mande, miro čavo. Am pale pale! Me kamau touke bouder kek čilačepen te krell. Dikau, miro djipen his kava dives kouč an tire yaka! Kova hoy me krom, his dineles, oun anom bari doosh ap mande!”

1. Samuel 26:21 ပူးပေါင်းရင်းမြစ်များ

2. Rajengro liil 1:13

Koi bitchras o baro rai pale o triinto kopo i pralstuno lurdes, kai his les penepaske pral paash-sheel lurdende. Un kolla wan leha. Har kowa pash o Elija was, djas job glan o Elija ap peskre tchanga, mangas lestar peskro djipen un penas: “Debleskro mursh, muk te well miro djipen kutch glan tire jaka, ninna o djipen kal paash-sheel murshendar.

2. Rajengro liil 1:14

Tu djineh, jag peras dran o bolepen un chatchras kol dui pralstunen pre pengre lurdentsa, kai wan glan mande pash tute. Kanna muk man ap o djipen, te djal mange gar har lenge!”

Debleskri gili 116:15

O baro Dewel dikell i dukentsa ap o merepen peskre menshendar.

Debleskri gili 49:8

Kek menshes hi doha lowe, te nai ginell lo peskro phraleskro djipen o Deblestar, un peskro djipen witar gar.

Debleskri gili 72:14

Job lell len win dran o wast kolendar, kai lenge o djipen phares kran. Un kolendar, kai len dawa dan, lell lo len krik. Lengro djipen hi leske bud moldo.

2. Mose 9:27

Kote bitchras o Farao pash o Mose un o Aron, te wenn le, un penas ap lende: “Kau kopo anom doosh ap mande. O baro Debles hi tchatches. Man un mire menshen hi gar tchatcho.

4. Mose 22:34

Koi penas o Bileam ap o baro Debleskro bolepaskro: “Me anom doosh ap mande. Me djinom gar, kai tu kamal man pale te rikrell ap o drom. Un kanna, te hi kowa tuke gar mishto, jaake djau me pale pale.”

Mateo 27:4

Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

1. Samuel 13:13

O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.

1. Samuel 15:24

Koi penas o Saul ap o Samuel: “Me lom doosh ap mande, har shunom gar ap o baro Debleste, un krom gar, hoi tu penal. Me darom i menshendar un shunom ap lende.

1. Samuel 15:30

“Me lom doosh ap mande”, penas o Saul pale. “Ninna te hi jaake, mangau tut, hade man glan i phurende mire menshendar un glan o Israel, un dja mantsa pale, te nai sharap tiro baro Debles.”

1. Samuel 18:30

Un bud kope an o marepen i Filistarentsa his o David sorleder har hako wawar o Sauleskre pralstune lurdendar. Un o Davideskro lab was sharedo un hadedo.

1. Samuel 24:17

Har o David kol laba ap o Sauleste rakras, penas o Saul: “Shunau me gar tut, miro tchawes David, kate?” Un o Saul rowas soreles.

1. Samuel 26:22

Un o David penas: “Dik, kate hi o baro rajeskro witsepaskro tchuri! Bitche jekes kol terne murshendar kai wergel, te anell lo les tuke!

1. Samuel 26:24

Dik, jaake har tiro djipen an mire jaka bud moldo his, jaake well miro djipen an o baro Debleskre jaka bud moldo. Un job lell man win dran halauter, hoi miro djipen phares krell.”

1. Samuel 27:4

Un har le o Sauleske penan, te nashas o David an o foro Gat, rodas job les buder gar.