1. Samuel 26:20 - O Debleskro Drom 2021 (Sinte)

²⁰ Ma muk, te merap dur krik o baro Deblestar! Hoske djal o baro rai pral o Israel win, te marell lo i pushum har me? Hoske tradell lo man har jek i diwji kachni palla lell ap i berge?”

O Debleskro Lab 2024 (Sinte-Manouche)

²⁰ Ma mouk, te merap dour krik o baro Deblestar! Hoske djal o baro ray pral o Israel vin, te marell lo i poushoum har me? Hoske tradell lo man har yek i divyi karhni palla lell ap i berge?”

1. Samuel 26:20 ပူးပေါင်းရင်းမြစ်များ

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Ropaskre gilja 3:52

Kolenge tchi krom, kolla lan man palla, har te woms i tchirklo.

Mateo 26:47

Un har job jaake rakras, was o Judas, ko jek kol deesh-te-dujendar. Pash leste his bud wawar mursha. Len his chare un kashta an i wasta. Kolen bitchran i bare rashaja un i biboldengre phureder.

Mateo 26:55

Un koi pre penas lo ap kol tsele murshende, kai trul leste tardo hi: “Tumer wan i charentsa un i kashtentsa pash mande, har te woms i marepaskro. Hako diwes homs an o Debleskro baro kheer un sikrom i menshende o Debleskro drom. Un tumer tapran man gar.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.

1. Samuel 24:11

Kau diwes nai dikeh tire jakentsa, te das tut o baro Dewel an mire wasta, har hals tu an koi grotta. Un mange penan le, te dap tut mulo. Un me krom tut tchi. Me penom mange: Me kamau gar miro wast ap miro rajeste te tchiwell, koles o baro Dewel win rodas, te well lo baro rai.

1. Samuel 24:14

Tu prindjreh, har mare phure penan: ‘Dran i tchilatchende well o tchilatchepen.’ Me taprau tut gar an.

1. Samuel 24:15

Kones leh tu, o baro rai pral o Israel, palla? Koneske tradeh tu palla? Man, kai hom har i mulo djuklo, tchi wawar har jek pushum!

1. Samuel 25:29

Un te hadell pes i mensho, te lell lo tut palla, un kamell tut te marell, palle rikrell o baro Dewel peskre wasta pral tiro djipen, jaake har jek i kutch bar an peskri possita khatrell. Kolla, kai kamenn tut te marell, lengro djipen well krik witsedo, har jek i bar krik witsrella!