1. Samuel 26:16 - O Debleskro Drom 2021 (Sinte)

¹⁶ Kowa his gar mishto, hoi tu kral! Me dau man sowel pash o djido Debleste: Tumer hunte wans maredo! Tumer dan gar jak ap tumaro rajeste, koles o baro Dewel peske win rodas! Dik! Kai hi o baro rajeskro witsepaskro tchuri un o panjeskro khoro, hoi pash leskro shero tardo his?”

O Debleskro Lab 2024 (Sinte-Manouche)

¹⁶ Kova his gar mishto, hoy tou kral! Me dau man sovel pash o djido Debleste: T'mer hounte vans maredo! T'mer dan gar yak ap t'maro rayeste, koles o baro Devel peske vin rodas! Dik! Kay hi o baro rayeskro vitsepaskro čouri oun o panyeskro khoro, hoy pash leskro shero tardo his?”

1. Samuel 26:16 ပူးပေါင်းရင်းမြစ်များ

2. Samuel 12:5

Koi las o David i bari choli pral ko mursheste, un penas ap o Nataneste: “Me dau man sowel pash o djido Debleste: Ko mursh, kai kowa kras, hunte well maredo.

2. Samuel 19:28

Ninna penas job tuke chochene laba pral mande. Miro baro rai, tu hal har o Debleskro bolepaskro. Kre, hoi tuke mishto hi!

1. Rajengro liil 2:26

Un ap o rashajeste Abjatar penas o baro rai: “Dja an o foro Anatot, kote kai tiri phub hi. Ninna te hunte merals, kamau tut kau diwes gar te marell. Tu hidjral ko mochton, kai o Debleskre laba dren hi, glan miro dadeste, o David. Un tu rikral win khetne miro dadeha, kol tsele duka, hoi ap leste wan.”

Debleskri gili 102:20

O baro Dewel dikas pral tele dran o pralstunepen, kai lo khere hi. Dran o bolepen dikas lo tele ap i phub,

Debleskri gili 79:11

Shun, har i stilde rowenn! Tu hal jaake sorelo, rike kolen ap o djipen, kai hi jaake mishto har mulo.

Efesarja 2:3

His i tsiro, kai djiwam mer halauter har jon, un kram o tchilatchepen, hoi an mende hi. Mer kram, hoi mer kamam, un hoi menge an o shero was. Un o Debleskri choli his ninna pral mende har pral kol wawar menshende.

1. Samuel 20:31

Jaake rah har o Isajeskro tchawo ap kai phub djiwella, jaake rah hunte daress tu tiro djipaske, un weh gar o baro rai. Kanna bitche jekes koi, te anell lo les pash mande. Job hunte merell.”

1. Samuel 24:6

Pal kowa, har lo kowa kras, djas leskro dji soreles.

1. Samuel 26:11

O baro Dewel mu rikrell man pale, te taprap me koles an, kones job peske win rodas. Le kanna leskro witsepaskro tchuri, hoi pash leskro shero an i phub dino hi, un leskro panjeskro khoro, te djas mer menge!”

1. Samuel 26:15

O David rakras ap o Abner: “Hal tu gar i tchatcho mursh? Un koon hi an o tselo them Israel har tu? Hoske dal tu gar jak ap tiro rajeste, ko baro rajeste pral o Israel? Glan i tikno tsiro djas jek dren ap i platsa, te marell lo tiro rajes.

1. Samuel 26:9

O David penas: “Na-a, ma de les mulo! Koon hadell o wast pre ap koleste, koles o baro Dewel peske win rodas, kowa lell peskri phagi.”