1. Samuel 25:7 - O Debleskro Drom 2021 (Sinte)

⁷ Me shunom, te mukeh o bal tire bakrendar te tchinell. Un me kamau, te djiness, te his tire mursha, kai ap i bakre jak denna, mentsa khetne ap i berga Karmel. Un mer kram len tchi. Un ko tselo tsiro, kai le mentsa khetne his, nashran le kek vieches.

O Debleskro Lab 2024 (Sinte-Manouche)

⁷ Me shounom, te moukeh o bal tire bakrendar te činell. Oun me kamau, te djiness, te his tire morsha, kay ap i bakre yak denna, mentsa khetne ap i berga Karmel. Oun mer kram len či. Oun ko tselo tsiro, kay le mentsa khetne his, nashran le kek firhes.

1. Samuel 25:7 ပူးပေါင်းရင်းမြစ်များ

2. Samuel 13:23

Pal dui bersha mukas o Absalom i bakren te tchinell an Baal-Hazor. Kowa hi pash o foro Efrajim tchiddo. Un o Absalom kamas kote i baro chapen te krell, un kamas, te wenn kol tsele mursh tchawen o baro rajestar pash peste.

2. Samuel 13:24

Un job was pash o baro rajeste un penas: “Miro baro rai, me mukau i bakren te tchinell, un kamau i baro chapen te krell. Ab tu un tire pralstune pash mande, te chas un pijas khetne.”

Louka 3:14

Ninna i lurde putchan lestar: “Har hi mentsa? Hoi te kras mer?” Lenge penas lo: “Ma krenn kekeske tchilatcho koowa, un lenn kekestar lowe i sorjah! Kol lowe, hoi plaissrenn i pralstune tumenge, kol lowe mukenn tumenge doha te well!”

Filiparja 2:15

Jaake djiwenn tumer, har mishto hi. Un kek hatsell i doosh ap tumende. Tumer han o Debleskre tchawe, un djiwenn mashkral kol menshende, kai hi tchilatcho un nashran pen an bud dinelo koowa. Mashkral kolende han tumer har i momlia an i rati,

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

1. Samuel 22:2

Un ninna wan pash leste khetne bud wawar mursha. Mank lende his sawe, kai his palla-lino. Wawaren his sijaan, hoi nai plaissran le gar. Wawaren his i pharo dji. Un job was lengro pralstuno. Kolla lauter his jaake 400 (star-sheel) mursha.

1. Samuel 25:21

An o Davideskro dji his choli un job penas peske: “Tchatchepah dom ko tselo tsiro tchitcheske jak ap ko tselo koowa, hoi ko murshes hi an o mulo them, jaake te was kek viecho lestar krik. Un job dell man tchilatchepen pale, koleske, hoi leske latches krom.