1. Samuel 25:33 - O Debleskro Drom 2021 (Sinte)

³³ Un sharedo well tiro goswepen, te rikral tu man kau diwes pale, te anap rat ap mande, un dap miro wasteha pale!

O Debleskro Lab 2024 (Sinte-Manouche)

³³ Oun sharedo vell tiro gosvepen, te rikral tou man kava dives pale, te anap rat ap mande, oun dap miro vasteha pale!

1. Samuel 25:33 ပူးပေါင်းရင်းမြစ်များ

Debleskri gili 141:5

Latche menshe mu denn man i phagi, un tchingrenn mantsa an o latchepen. I tchilatchendar kamau gar, te sharenn le man. Un me mangau o Deblestar, te krenn le mange kek tchilatchepen.

2. Mose 22:2

Djas o kham pre, har phagas lo dren, hi koles, hoi les mules das, i doosh ap leskro rat. I tchorepaskro hunte dell lauter pale, hoi job tchoras. Te nai krell job kowa gar, palle well lo bikedo un well i pandlo budepaskro.

Gosewe laba 13:14

I laba, hoi i gosewo rakrell, hi har djipaskro pani, un sikrenn hawo drom jek hunte djal, te perell lo gar an o merepaskre shelle.

Gosewe laba 17:10

Te tchingreh jekeha, kai mukell pes tchomone te penell, lell job kowa peske budeder an o dji, har te dell jek sheel kope an i dineleste dren.

Gosewe laba 25:12

I gosewo mensho, kai trad dell, un i kand, hoi ap leste shunell, kolla hi har i sonakaskri gustri un i sonakaskri werkli trul i meen.

Gosewe laba 27:21

An i jag well diklo, har bud o rup moldo hi, un an o bob sikrell pes, har bud o sonakai moldo hi. Hoi i mursh moldo hi, sikrell pes ap kowa, hoi pral leste rakedo well.

Gosewe laba 28:23

Te peneh jekeske, hoi job gar mishto kras, palle well ko tsiro, kai parkrell lo pes pash tute. Un kowa budeder, har te rakrals leske pal o mui.

Gosewe laba 9:9

Pen i goseweske kowa, hoi job gar mishto kras! Palle well lo gomme gosweder. An koleske tchomone pashel, kai an o tchatchepen tardo hi! Palle djinell lo gomme budeder.

1. Samuel 24:19

Kau diwes sikral tu man un lauteren, te hal tu latches ap mande, har tchiwas man o baro Dewel an tiro wast, un tu dal man gar mulo.

1. Samuel 25:26

Un kanna, miro rai, me dau man sowel glan o djido Debleste un glan tute: O baro Dewel rikras tut pale, te aness tu rat ap tute un dess tiro wasteha pale, hoi o Nabal ap tute kras. Kamau, te djal lauterenge, kai kamenn tut tchilatchepen, jaake har o Nabaleske!

1. Samuel 25:31

palle hi tiro dji djudjo. Un tu hunte witsress tuke gar glan, te lals tchitcheske rat ap tute, un tiro wasteha o tchilatchepen pale dal, hoi ap tute kerdo was. Ma biste man, tiri budepaskretsa, ap ko diwes, kai krell o baro Dewel tuke, miro rajeske, latchepen!”