1. Samuel 25:26 - O Debleskro Drom 2021 (Sinte)

²⁶ Un kanna, miro rai, me dau man sowel glan o djido Debleste un glan tute: O baro Dewel rikras tut pale, te aness tu rat ap tute un dess tiro wasteha pale, hoi o Nabal ap tute kras. Kamau, te djal lauterenge, kai kamenn tut tchilatchepen, jaake har o Nabaleske!

O Debleskro Lab 2024 (Sinte-Manouche)

²⁶ Oun kanna, miro ray, me dau man sovel glan o djido Debleste oun glan toute: O baro Devel rikras tout pale, te aness tou rat ap toute oun dess tiro vasteha pale, hoy o Nabal ap toute kras. Kamau, te djal lauterenge, kay kamenn tout čilačepen, yaake har o Nabaleske!

1. Samuel 25:26 ပူးပေါင်းရင်းမြစ်များ

1. Mose 20:6

Koi penas o Dewel ap leste an i suni: “Me djinau, kai djinal kowa gar. Me rikrom tut pale, te kress kek tchilatchepen glan mire jaka, un mukom gar, te tapress lat an.

2. Samuel 18:32

Penas o baro rai ap ko mursheste: “Djal miro tchaweske o Absalomeske ninna mishto?” Penas ko mursh: “Miro baro rai, mu djal kolenge, kai kamenn tiro merepen, jaake har djas ko terno mursheske, ninna lauterenge, kai tchilatchepah ap tute djan.”

2. Rajengro liil 2:2

Un o Elija penas ap o Elisa: “Atch tu kai, o baro Dewel bitchras man an o foro Betel.” O Elisa penas: “Me dau man sowel pash o djido Debleste. Jaake har tchatcho hi, kai tu djiweh, me mukau tut gar kokres.” Un har jon an Betel wan,

2. Rajengro liil 4:6

Un har kol khore pherdo his, penas joi ap peskro tchaweste: “An mange i wawar khoro!” Job penas: “Hi kek khoro buder koi.” Koi atchas o djet tardo.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Gosewe laba 31:12

Joi krell leske latchepen un kek tchilatchepen, jaake rah har djiwell li.

Jeremia 29:22

I tsiro well, kai penenn i menshe dran o them Juda, kai krik anlo wan an Babilonia, te kamenn jon jekes te praassell: Mu krell o baro Dewel tuha, har kras lo ap o Zidkija un ap o Ahab, kolen mukas o baro rai dran Babilonia djides te chatchrell.

Daniel 4:19

kowa hal tu, miro baro rai. Tu hal jaake baro un sorelo. Un tiri soor hi baro un djal bis pash o bolepen, un tu wal o rai pral i tseli phub.

Hebrearja 10:30

Mer djinah, kai o Dewel penas: Me dau len ko tchilatchepen pale, hoi jon kran. Miri choli well ap lende. Un pale hi tchinlo: O Dewel rakrell o tchatchepen pral peskre menshende win.

1. Samuel 1:26

Un joi penas ap o Eli: “Ach, miro rai, jaake har tchatcho hi, kai tu djiweh: Me hom koi djuwel, kai kate tardo his un o baro Deblestar mangas.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.

1. Samuel 20:16

Hakeno mendar mu rikrell koi sowel, hoi mer men dam. Ninna tire tchawe, kai pal tute wenna, hunte rikrenn koi sowel. Te rikrenn le koi sowel gar, mu lenn le i phagi o baro Deblestar!”

1. Samuel 20:3

O David penas: “Tiro dad haiwas, te hom tiro maal. Doleske penas lo peske: ‘O Jonatan hunte djinell kowa gar, te dukrell kowa les gar.’” Un o David penas dureder: “Me dau man sowel glan o djido Debleste un glan tute: Mashkral mande un o merepen hi gar budeder har jek herjakro stakepen!”

1. Samuel 22:3

Kotar djas o David dureder un was an o them Moab an o foro Mizpe, un penas kote ap o rajeste pral i Moabarja: “Muk miro dades un miri dai pash tute te well un pash tute te atchell jaake rah, bis te me djinau, hoi o Dewel mantsa krella.”

1. Samuel 25:25

Miro rai, ma choje tut pral o Nabal, ko tchi-moldo! Har leskro lab, jaake hi lo ninna! Nabal kharell lo, un i narwelo hi lo. Me, tiri budepaskretsa, dikom kol murshen gar, kai bitchral.

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.

1. Samuel 26:10

Palle penas lo: “Me dau man sowel pash o djido Debleste: Job kokres marell les, nai well ap leskro tsiro, kai hunte merell lo, nai well an o marepen.