1. Samuel 25:23 - O Debleskro Drom 2021 (Sinte)

²³ Un har i Abigajil o Davides dikas, stas li sik i burikatar tele, un witsras pes glan o Davideste tele o mujeha ap i phub,

O Debleskro Lab 2024 (Sinte-Manouche)

²³ Oun har i Abigayil o Davides dikas, stas li sik i bourikatar tele, oun vitsras pes glan o Davideste tele o mouyeha ap i phoub,

1. Samuel 25:23 ပူးပေါင်းရင်းမြစ်များ

2. Samuel 1:2

Koi was o triinto diwes i mursh o Sauleskre lurdendar. Koleskre koola his paash, un tchik his ap leskro shero. Un har job pash o Davideste was, witsras job pes glan leste ap i phub, un sharas les.

2. Samuel 14:4

Un koi djuwel dran o gab Tekoa djas pash o baro rajeste. Un kote tchiwas pes li glan leste tele ap i phub, sharas les, un penas: “Ab mange ap i rig, maro baro rai!”

2. Samuel 18:28

O Ahimaaz das gole: “Lauter hi mishto!” Un job witsras pes glan o baro rajeste tele ap i phub ap peskro mui, un penas: “Sharedo well o baro Dewel, kai tiro Dewel hi, un das kolen an tiro wast, kai hadan pengro wast ap tute, miro baro rajeste.”

2. Samuel 9:6

Leskro dad his o Jonatan un leskro papo o Saul. Un har kanna o Mefi-Boshet pash o Davideste was, witsras job pes glan leste tele ap peskro mui. O David putchas lestar: “Mefi-Boshet?” Penas kowa: “Awa miro rai, me hom o Mefi-Boshet.”

1. Familjakro liil 21:21

Har was o David pash o Arauna, dikas o Arauna pre un dikas o Davides. Un job djas win dran o djobeskri platsa un djas pash o Davideste un tchiwas pes glan leste ap peskro mui tele ap i phub.

Josua 15:18

Un har li pash leste was, rakras li leske an o dji, te mangell lo lakro dadestar jek kotar phub. Un joi stas peskri burika tele. Koi penas o Kaleb ap late: “Hoi hi tut?”

Čačepangre 1:14

Un har li pash o Otnijel was, rakras lo lake an o dji, te mangell li lakro dadestar jek kotar phub. Un joi stas peskri burika tele. Koi penas o Kaleb ap late: “Hoi hi tut?”

Ruth 2:10

Kote witsras li pes glan leste tele ap i phub un penas ap leste: “Hoske hal tu jaake latches ap mande, kai me dran o wi-them hom?”

1. Samuel 20:41

Har ko tchawo peske djas, was o David win dran peskro khatepen pal kol barra, un peras glan o Jonatan tele, un tchiwas pes triin kope glan tele ap i phub. Un palle lan le pen trujel un tchumran pen, un rowan khetne, o David gomme budeder har o Jonatan.

1. Samuel 24:8

Un kal phare labentsa penas lo lenge, hoi tchatches hi. Un kekes mukas lo ap o Sauleste pre te djal. Un o Saul stas pre un djas win dran koi grotta, te djal lo peskro drom dureder.

1. Samuel 25:24

un atchas glan leskre herja tchiddo, un penas: “Ap mande kokres mu perell i tseli doosh, miro rai! Muk man, tiri budepaskretsat, te rakrell glan tire kanda! Shun mire laba!

1. Samuel 25:41

Kote stas li pre, un witsras pes tele ap peskro mui ap i phub un penas: “Me hom leskri budepaskretsa un kamau te thowap i herja i budepangrendar miro rajestar.”