1. Samuel 25:22 - O Debleskro Drom 2021 (Sinte)

²² O Dewel mu dell man i phagi, te mukau jek murshes djido leskre tsele murshendar, bis te djal o kham taissarlakro pre.”

O Debleskro Lab 2024 (Sinte-Manouche)

²² O Devel mou dell man i phagi, te moukau yek morshes djido leskre tsele morshendar, bis te djal o kham taysarlakro pre.”

1. Samuel 25:22 ပူးပေါင်းရင်းမြစ်များ

1. Rajengro liil 14:10

Dran kowa mukau me i bibacht pral tiro kheer te well, un marau i tsele mursha un mursh tchawen, kai pal tute wenna. Kek lendar atchell pral an Israel, jaake har kek tchik pral atchell, te well o kheer djudjes kerdo.

1. Rajengro liil 16:11

Un jaake sik har job o baro rai was, mukas lo i tsele murshen un mursh tchawen dran i familja Baasha te marell. Kekes lendar mukas lo djido, ninna leskre malen un wawaren leskre menshendar mukas lo te marell.

1. Rajengro liil 21:21

Doleske penell job tuke: ‘Me anau bibacht pral tute. Un mukau tut te marell un tire mursh tchawen, kai pal tute wenna, i baren har i tiknen. Kek mursh, kai tutar wella, atchell djido an Israel.

2. Rajengro liil 9:8

Awa, kamau, te wenn kol tsele mursha maredo, kai wenna pal o Ahab, i terne har i phure.

Ruth 1:17

Kote kai tu mereh, kamau ninna te merell. Un kote kamau me paskedo te well. O baro Debleskri choli well pral mande, te rikrau gar, hoi tuke penom. O merepen kokres nai tchinell men, – ko jekes o wawarestar.”

1. Samuel 14:44

Un o Saul penas: “O Dewel nai dell man i phagi, te mukau tut te djiwell!”

1. Samuel 20:13

Te kamals miro dad tuke tchilatchepen te krell, un me penoms tuke kowa gar, palle nai dell man o baro Dewel mulo. Palle mukau me tut te djal, jaake te nai djah tu an o latchepen. Un o baro Dewel mu well jaake ap tiri rig, har job ap miro dadeskri rig his.

1. Samuel 20:16

Hakeno mendar mu rikrell koi sowel, hoi mer men dam. Ninna tire tchawe, kai pal tute wenna, hunte rikrenn koi sowel. Te rikrenn le koi sowel gar, mu lenn le i phagi o baro Deblestar!”

1. Samuel 3:17

“Hoi penas o Dewel tuke?” putchas lestar o Eli. “Pen mange lauter, un rike tchi pale! O Dewel te dell tut i phagi, te peneh mange gar i tsele laba, hoi lo ap tute rakras.”