1. Samuel 25:2 - O Debleskro Drom 2021 (Sinte)

² Kote his i mursh an o foro Maon. Koles his i baro brawlepen. Les his 3.000 (triin-serja) bakre un 1.000 (jek seri) busja. Leskri phub un leskre vieche his pash o foro Karmel. Un kote his job, har o bakrengro bal tchinlo was.

O Debleskro Lab 2024 (Sinte-Manouche)

² Kote his i morsh an o foro Maon. Koles his i baro bravlepen. Les his 3.000 (triin-zerya) bakre oun 1.000 (yek seri) bouzya. Leskri phoub oun leskre firhe his pash o foro Karmel. Oun kote his yob, har o bakrengro bal činlo vas.

1. Samuel 25:2 ပူးပေါင်းရင်းမြစ်များ

1. Mose 13:2

O Abram his brawelo: Les his bud vieche, rup un sonakai.

1. Mose 26:13

Un o Isaak was brawelo un brawleder, un les his i baro brawlepen:

1. Mose 31:19

Glan lengro naashepen, har his o Laban win, te tchinell lo o bal peskre bakrendar, tchoras i Rachel i khereskre deblen, hoi lakro dad an-mangell. Un joi las len peha.

1. Mose 32:14

Un o Jakob atchas i rati koi. Un las i viechendar, hoi pash leste his, te dell lo len peskro phraleste Esau:

1. Mose 38:13

Un was penlo ap i Tamar: “Ake, tiro romeskro dad djal an o foro Timna, te tchinell job i bal peskre bakrendar.”

2. Samuel 19:32

Un o Barsillai dran Gilead was tele dran o gab Roglim pash o baro rajeste, te djal lo khetne leha ap i wawar rig o panjestar Jordan.

Hiob 1:3

Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

Debleskri gili 17:14

Baro Dewel, tiro wasteha le man win dran o wast kol menshendar, kai djiwenn i phubjake. Lengro brawlepen lenn jon an kau djipen! Tu kreh lengro per pherdo ko koowa, hoi tu lenge deh. Ninna lengre tchawe wenn tchalo, un mukenn pral pengre tchawenge.

Gosewe laba 30:22

Tel i budepaskro, kai i baro rai was; un tel i narwelo, kai brawelo was;

Josua 15:55

Ninna kol forja Maon, Karmel, Sif, Jutta,

1. Samuel 15:12

Un o Samuel stas sik taissarlakro pre, te djas lo pash o Saul. Un leske was penlo, te was o Saul an o foro Karmel, un mukas peske kote barra pre te tchiwell, hoi sikrenn, te was job o sorleder pral i Amalekarja. Un o Samueleske was ninna penlo, te djas o Saul dureder un was tele an o foro Gilgal.

1. Samuel 23:24

Un i mursha djan pale an Sif. Un o Saul djas pal lende. O David un leskre mursha his an o mulo them Maon an i tala, hoi wergel Jeshimon hi.

1. Samuel 30:5

Ninna kol dui romja o Davidestar wan pandlo krik lino, i Ahinoam dran Jesreel un i Abigajil, kai his i romni o Nabalestar dran Karmel.