1. Samuel 25:17 - O Debleskro Drom 2021 (Sinte)

¹⁷ Un kanna dik, hoi tu gomme nai kreh! Te well tchi kerdo, palle well i bibacht pral maro rajeste un leskro tselo kheer. Ko patsau soreles. Job hi sau tchilatcho mensho, te nai rakrell jek leha gar.”

O Debleskro Lab 2024 (Sinte-Manouche)

¹⁷ Oun kanna dik, hoy tou gomme nay kreh! Te vell či kerdo, palle vell i bibarht pral maro rayeste oun leskro tselo kheer. Ko patsau zoreles. Yob hi sau čilačo mensho, te nay rakrell yek leha gar.”

1. Samuel 25:17 ပူးပေါင်းရင်းမြစ်များ

2. Samuel 24:13

Jaake was o Gad pash o Davideste un penas leske kowa, un putchas lestar: “Kameh tu, te well triin bersh i bari bok an tiro them? Kameh, te nashess triin tchon kolendar krik, kai kamenn tut te marell un lenn tut palla? Kameh, te well triin diwessa i baro nasslepen an tiro them? Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

1. Rajengro liil 21:10

Palle beshenn dui murshen, kai tchi moldo hi, pash leste. Kolla te rakrenn, har te penans le o tchatchepen glan lauterende: ‘Nabot, tu praassal o Debles un o baro rajes.’ Palle anenn les dran o foro win un witsrenn les i barrentsa mulo!”

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

2. Familjakro liil 13:7

Un leske ap i rig wan tchi-molde, tchilatche mursha, un jon wan sorleder har o Rehabeam, o Salomeskro tchawo; an ko tsiro his o Rehabeam terno, un leskro dji his gar sorelo. Jaake nai rikras lo pes gar soreles glan lende.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

Ester 7:7

Un o baro rai stas chojedo pre kotar, kai le mool khetne pijan. Un djas win an i baar pash peskro kheer. Un o Haman atchas pash i ranjate Ester, te mangell lo latar peskro djipen. Job dikas koi bibacht, hoi pral leste well, hoi o baro rai peske glan las.

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

5. Mose 13:13

Te shunenn i forestar, hoi tumaro baro Dewel tumen das, te djiwenn koi dren,

Čačepangre 19:22

Un har jon les penge mishto djal mukan, wan mursha dran o foro un tchiwan pen trul o kheer tardo, tchi-molde mursha. Un kolla dan ap o wudar, un penan ap ko phuro mursh, koleske ko kheer his: “An menge ko murshes win, kai pash tute an o kheer was, te kras dinelo koowa leha!”

1. Samuel 10:27

Koi his ninna mursha, kai tchi-molde his. Kolla penan: “Har nai lell kawa mursh men win dran i bibacht?” Un jon dikan tele ap leste, un anan leske tchi. O Saul kras jaake har shunals lo kowa gar.

1. Samuel 2:12

O Elijeskre tchawe his tchilatche un kaman o baro Deblestar tchi te djinell.

1. Samuel 20:7

Te penell lo palle ‘Kowa hi mishto’, palle djinau, te hunte darap buder gar. Te well lo chojedo, palle haiwess tu, te las lo peske glan, te krell lo mange tchilatchepen.

1. Samuel 20:9

Un o Jonatan penas: “Har nai patseh tu sau kowa mandar? Kowa kraus me gar. Te haiwau, te las miro dad peske glan, te krell lo tuke tchilatchepen, palle penau me kowa tuke.”

1. Samuel 25:16

Jon dan jak ap mende, an i rati un pral o diwes, un kowa o tselo tsiro, kai hams pash lende un dam jak ap i bakre.

1. Samuel 25:18

Kote djas i Abigajil sik un las 200 (dui-sheel) mare, un dui moljakre gone pherdi mool, pantch pekle bakre un jek gono pherdo peklo djob, jek sheel tikne gone pherde drake, hoi truk kerdo wan, ninna 200 (dui-sheel) faigetikre merklia. Un kowa lauter mukas li ap burike te tchiwell.

1. Samuel 25:25

Miro rai, ma choje tut pral o Nabal, ko tchi-moldo! Har leskro lab, jaake hi lo ninna! Nabal kharell lo, un i narwelo hi lo. Me, tiri budepaskretsa, dikom kol murshen gar, kai bitchral.