1. Samuel 25:12 - O Debleskro Drom 2021 (Sinte)

¹² Un kol mursha kran pen pale ap o drom. Un har le pale pash o Davideste wan, penan le leske lauter, hoi o Nabal penas.

O Debleskro Lab 2024 (Sinte-Manouche)

¹² Oun kol morsha kran pen pale ap o drom. Oun har le pale pash o Davideste van, penan le leske lauter, hoy o Nabal penas.

1. Samuel 25:12 ပူးပေါင်းရင်းမြစ်များ

2. Samuel 24:13

Jaake was o Gad pash o Davideste un penas leske kowa, un putchas lestar: “Kameh tu, te well triin bersh i bari bok an tiro them? Kameh, te nashess triin tchon kolendar krik, kai kamenn tut te marell un lenn tut palla? Kameh, te well triin diwessa i baro nasslepen an tiro them? Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

1. Samuel 25:11

Lap me miro maro un miro pani, un ko mass kol viechendar, kai marom kol murshenge, kai o bakrengro bal tchinenn? Un dap kowa kal murshende, kolendar me gar djinau, kai le wenna?”

1. Samuel 25:13

Kote penas o David ap peskre murshende: “Hakeno pandell peskro charo trul peste!” Un jaake kran le. Un o David tchiwas peskro charo ninna trujel. Un jon djan pal o Davideste: jaake 400 (star-sheel) mursha. Un 200 (dui-sheel) atchan pale ap i platsa, te denn le pre jak.