1. Samuel 25:10 - O Debleskro Drom 2021 (Sinte)

¹⁰ O Nabal penas ap lende: “O David, koon hi lo? Koleskro dad o Isai hi? Koon hi kowa? Kau diwes denna bud budepangre, kai penge nashan pengro rajestar!

O Debleskro Lab 2024 (Sinte-Manouche)

¹⁰ O Nabal penas ap lende: “O David, koon hi lo? Koleskro dad o Isay hi? Koon hi kova? Kava dives denna boud boudepangre, kay penge nashan pengro rayestar!

1. Samuel 25:10 ပူးပေါင်းရင်းမြစ်များ

2. Samuel 20:1

Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

1. Rajengro liil 12:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Sikepaskro 7:10

Ma pen: An o phuro tsiro his halauter feteder har kanna! Te wals tu gosewo, penals tu kowa gar!

Jesaja 32:5

I dinelo well gar buder kharedo ‘baro mursh’, witar gar well ap i chocheno penlo ‘tchatchepaskro mursh’.

Jesaja 32:7

O chocheno djal chochene dromma. Tchilatcho koowa lell lo peske glan, un leskro chochepah anell lo doosh ap i tchorwelende, ninna te hi kolla an o tchatchepen.

Čačepangre 9:28

Un o Gaal, koleskro dad o Ebed hi, penas: “Koon hi o Abimelech, te mukas mer les maro rai te well, mer, i menshe dran o foro Sichem? Leskro dad hi o Gideon. Doleske hi lo gar tchatchepah jek mendar. Un job tchiwas peskro budepaskres, o Sebul, pral mende, te dell job jak ap mende. Mer te tchiwas i murshes dran o kheer Hamor pral mende, te well job maro rai, un gar o Abimelech! O Hamor hi o dad maro forestar Sichem.

1. Samuel 20:30

Kote chatchas i choli pre an o Saul ap o Jonatan. Un job penas ap leste: “Tu tchilatcho bedo! Patseh tu, me te djinau gar, te rodal tuke o Isajeskro tchawes win, te well lo tiro maal? Kowa hoi kral, hi i ladj tuke un tiri dake, kai tut o djipen das.

1. Samuel 22:2

Un ninna wan pash leste khetne bud wawar mursha. Mank lende his sawe, kai his palla-lino. Wawaren his sijaan, hoi nai plaissran le gar. Wawaren his i pharo dji. Un job was lengro pralstuno. Kolla lauter his jaake 400 (star-sheel) mursha.

1. Samuel 25:9

Un har o Davideskre mursha kote wan, rakran le o Nabaleha kal tsele laba an o Davideskro lab, un atchan palle koi tardo, te dikenn le, hoi well.