1. Samuel 24:12 - O Debleskro Drom 2021 (Sinte)

¹² Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.

O Debleskro Lab 2024 (Sinte-Manouche)

¹² Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.

1. Samuel 24:12 ပူးပေါင်းရင်းမြစ်များ

1. Mose 16:5

Koi penas i Sarai ap o Abram: “Kai bibacht, hoi man hi, hi tiri doosh. Me dom tut miri budepaskretsa, te well li tiri romni. Kanna, kai joi haiwella, kai well li dai, hom me buder tchi moldo an lakre jaka. O baro Dewel mu well miro tchatchepaskro rai.”

1. Mose 31:53

Ko Dewel, kai hi o Abrahameskro Dewel un o Nahoreskro Dewel, kowa mu dell koles i phagi, kai rikrell pes gar ap kowa.” Jaake das pes o Jakob sowel ap ko Debleste, kai leskro dad Isaak daras lestar.

2. Samuel 22:48

un kras man sorleder har kolla, kai kuran pen mantsa, un witsras i menshen dran wawar themma tel mande.

1. Familjakro liil 12:18

Un o David djas pash lende win, un penas ap lende: “Wan tumer an o kamlepen pash mande, te rikrenn pash mande, palle hi miro dji tumentsa jek! Te wan te phukrenn ap mande pash kolende, kai kamenn man te marell, palle mu dikell o Dewel mare dadendar koi pal, un mu dell tumen i phagi. Job djinell, kai krom kek tchilatcho koowa.”

Hiob 5:8

Te djals mange har tuke, rodoms o Debles, un anoms miro koowa glan leste.

Debleskri gili 35:1

I gili o Davidestar. Baro Dewel, le miro koowa an tiro wast un tchinge kolentsa, kai mantsa tchingrenna! Kure tut kolentsa, kai kurenn pen mantsa!

Debleskri gili 43:1

Miro Dewel, kre te lap miro tchatchepen! Le miro koowa an tiro wast, un rake mange latches pash kol menshende, kai kamenn tchi tutar te djinell! Le man win dran o wast i chochenendar un tchilatchendar!

Debleskri gili 94:1

Baro Dewel, tu hal o Dewel, kai o tchilatchepen pale deh kolenge, kai wawaren tchilatchepen kran. Ab, un sike tut!

Remarja 12:19

Mire kamle phrala un phenja, ninna te kras jek tumenge tchilatcho koowa, ma denn leske pale! Mukenn les! O Dewel dell les i phagi. An o Debleskro lab hi tchinlo: O Dewel penas: Me dau len pale. Me dau len i phagi.

1. Petro 2:23

Te tchingran le ap leste, tchingras job gar pale. Te dan le les, das lo len gar trad. Na-a, job tchiwas pes an o Debleskre wasta. Un o Dewel hi o tchatchepaskro rai, kai djal pal o tchatchepen.

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

Čačepangre 11:27

Na-a, me krom kek tchilatchepen ap tute. Tu kameh mange tchilatchepen. Tu weh te maras men! O baro Dewel, kai o tchatchepaskro rai hi, kau diwes mu krell lo o tchatchepen mank mende win, mank o Israel un i Ammonarja!”

1. Samuel 20:1

Un o David nashas krik kol kherendar, kai o Debleskre rakepangre djiwenn an o foro Rama, un djas pash o Jonatan, un putchas lestar: “Hoi krom me? Hawi doosh anom me ap mande? Hoi krom me tiro dadeske, te rodell lo man, te dell lo man mulo?”

1. Samuel 24:15

Kones leh tu, o baro rai pral o Israel, palla? Koneske tradeh tu palla? Man, kai hom har i mulo djuklo, tchi wawar har jek pushum!

1. Samuel 26:23

O baro Dewel dell latchepen hakeneste, kai ap leste rikrella, un an o tchatchepen djiwella. Kau diwes das lo tut an miro wast, un me kamom tut gar te dukrell – tut, ko wi-rodedes o baro Deblestar.