1. Samuel 24:11 - O Debleskro Drom 2021 (Sinte)

¹¹ Kau diwes nai dikeh tire jakentsa, te das tut o baro Dewel an mire wasta, har hals tu an koi grotta. Un mange penan le, te dap tut mulo. Un me krom tut tchi. Me penom mange: Me kamau gar miro wast ap miro rajeste te tchiwell, koles o baro Dewel win rodas, te well lo baro rai.

O Debleskro Lab 2024 (Sinte-Manouche)

¹¹ Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

1. Samuel 24:11 ပူးပေါင်းရင်းမြစ်များ

2. Samuel 1:14

O David penas ap leste: “Trashal tu gar, te hadess tiro wast, te dess koles mulo, kai was o baro Deblestar wi-rodedo?”

2. Rajengro liil 5:13

Koi djan leskre budepangre pash leste, rakran leha un penan: “Maro rai, te penals ko Debleskro rakepaskro, te kress tchomone, hoi pharo hi, krals tu kowa gar? Kanna mangas lo tutar i tikno koowa, har penas lo: ‘Dja an ko pani un thob tut, un tu weh sasto.’ Hoske kameh kowa gar te krell?”

Hiob 10:16

Te hadau miro shero pre, palle leh tu man palla, har te wals i lewo, un sikreh tiri bari soor, te dukress man.

Debleskri gili 119:161

Raja lenn man palla, ninna te krom me lenge tchi, tire laba kokres hi kolla, kai me darau man lendar.

Debleskri gili 140:11

Muk jagakre barra ap lende te perell! Witse len an i jag! Muk len te perell an o telstunepen, jaake te nai stenn le buder gar pre!

Debleskri gili 35:7

Jon tchiwan mange i netsa win, te perap dren, ninna te krom me lenge tchi. Tchitcheske hadan le mange i cheb win, te perap dren.

Debleskri gili 59:3

Le man win dran i wasta kol tchilatchendar, kol menshendar, kai kamenn te dikell, har miro rat nashell.

Debleskri gili 7:5

te homs tchilatches ap kolende, kai mange latches kaman, un kolendar tchoroms, kai les mange phares kran, ninna te krom me lenge tchi,

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Ropaskre gilja 4:18

Jon lan men palla, te nai nasham buder gar ap mare dromma. Mentsa hi trujel. Mer ham nashedo. Maro djipen hi trujel.

Ezekiel 13:18

un pen lenge: Kawa penell o baro Dewel, maro rai: Bibacht well ap tumende! Tumer siwenn durkepangre dikle, hoi wenn pandlo trul i mussja un trul i sherja hakenestar, i ternendar un i phurendar, te well tumen soor pral lende. Kamenn tumer wawar menshen an o merepen te anell, un tumer kokres djido atchenn?

Micha 7:2

Kek, kai o Debleskro drom djal, hi buder an kau them. Kek dell mank i menshende, kai an o tchatchepen tardo hi. Jek rodell, har te marell lo o wawares. Un hakeno lell o wawares palla, te taprell lo les.

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”

1. Samuel 18:27

koi kras lo pes ap o drom un djas peskre lurdentsa an o kurepen, un das dui-sheel Filistarjen mulo. Un o David las kol tsele dui sheel mulendar lengro murshkano mass tele, un anas les o baro rajeske, te well lo leskri tchakro rom. Un o Saul das les peskri tchat Michal, te well li leskri romni.

1. Samuel 23:14

Un o David atchas an o mulo them, un khatras pes an i berge pash o foro Sif. Un o Saul rodas les o tselo tsiro. Un o Dewel das o Davides gar an leskro wast.

1. Samuel 23:23

Lenn hako khatepen an i jak, kai khatrell lo pes. Un te djinenn kowa lauter, palle awenn pale pash mande kai! Un me djau tumentsa. Un te hi lo an o them, palle hatsau me les ninna. Un te hunte rodoms ninna an o tselo them Juda pal leste!”

1. Samuel 25:28

Biste mange, te hadom me man un rakrom ap tute! Me djinau, o baro Dewel dell tut i kheer, hoi atchella. Tu hal kowa, kai djal o baro Debleske an o kurepen. Kek tchilatchepen mu well hatslo ap tute, jaake rah har tu djiweh!

1. Samuel 26:18

Un job rakras dureder: “Hoske lell miro rai man, peskro budepaskres, palla? Hoi krom me? Hawo tchilatchepen hi ap mande?

1. Samuel 26:20

Ma muk, te merap dur krik o baro Deblestar! Hoske djal o baro rai pral o Israel win, te marell lo i pushum har me? Hoske tradell lo man har jek i diwji kachni palla lell ap i berge?”

1. Samuel 26:23

O baro Dewel dell latchepen hakeneste, kai ap leste rikrella, un an o tchatchepen djiwella. Kau diwes das lo tut an miro wast, un me kamom tut gar te dukrell – tut, ko wi-rodedes o baro Deblestar.