1. Samuel 23:9 - O Debleskro Drom 2021 (Sinte)

⁹ Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

O Debleskro Lab 2024 (Sinte-Manouche)

⁹ Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

1. Samuel 23:9 ပူးပေါင်းရင်းမြစ်များ

1. Rajengro liil 2:26

Un ap o rashajeste Abjatar penas o baro rai: “Dja an o foro Anatot, kote kai tiri phub hi. Ninna te hunte merals, kamau tut kau diwes gar te marell. Tu hidjral ko mochton, kai o Debleskre laba dren hi, glan miro dadeste, o David. Un tu rikral win khetne miro dadeha, kol tsele duka, hoi ap leste wan.”

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Hosea 3:4

Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

Bičepangre 14:6

Har o Paulo un o Barnabas kowa haiwan, nashan le penge an o them Likaonia, an kol forja Listra un Derbe.

Bičepangre 9:24

Kowa was o Sauleske penlo. I rati un ap o diwes dan i bibolde jak glan kol foreskre wudja, te taprenn le les, un te marenn le les.

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 14:18

Kote penas o Saul ap o Achija: “An o rashajeskri damdira kai!” An ko tsiro hidjras o Achija koi damdira glan i Israelitarja.

1. Samuel 22:20

Kokres jek mursh, leskro lab his Abjatar – nai nashas peske. Leskro dad his o Ahimelech un leskro papo o Ahitub. Un job nashas pash o David,

1. Samuel 23:10

Un o David rakras ap o baro Debleste: “Baro Dewel, tu o Israeleskro Dewel, me shunom, te hi o Saul pashel, te well lo an o foro Kehila, un te kamell lo lauteren kate mulo te dell doleske, kai me, tiro budepaskro kai hom.

1. Samuel 23:6

Har nashas peske o Abjatar, koleskro dad o Ahimelech hi, un was pash o David an Kehila, las lo i rashajeskri damdira peha.

1. Samuel 23:8

Un o Saul mukas peskre tsele lurden khetne gole te dell, te djan le leha tele an Kehila, un te tchiwenn le pen glan o foreskro baro wudar tardo, bis te o David palle win hunte well.

1. Samuel 30:7

Un job penas ap o rashajeste, o Abjatar, koleskro dad o Ahimelech his: “An mange o rashajeskri damdira!” Un o Abjatar anas leske o rashajeskri damdira.