1. Samuel 23:4 - O Debleskro Drom 2021 (Sinte)

⁴ Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”

O Debleskro Lab 2024 (Sinte-Manouche)

⁴ Kote poučas o David gomme i douyto kopo o baro Debles, oun o baro Devel penas: “Ste pre oun dja an Kehila! Me kamau t'men i Filistaryen an t'maro vast te dell!”

1. Samuel 23:4 ပူးပေါင်းရင်းမြစ်များ

2. Samuel 2:1

Pal kowa putchas o David o baro Deblestar: “Djap me an jek kol forjendar an o them Juda, te atchap kote?” Un o baro Dewel penas ap leste: “Dja koi!” Un o David putchas: “An hawo foro?” Penas o Dewel: “An Hebron.”

2. Samuel 5:19

O David putchas o baro Deblestar: “Djap me pral pash kol Filistarja? Kameh len an mire wasta te dell?” Un o baro Dewel penas ap o Davideste: “Dja pral! Me dau kol Filistarjen an tire wasta.”

2. Rajengro liil 3:18

Kowa hi kek baro koowa o baro Debleske. Job dell ninna kol Moabarja an tumare wasta.

1. Familjakro liil 14:10

O David putchas o baro Deblestar: “Djap me pral pash kol Filistarja? Kameh len an mire wasta te dell?” Un o baro Dewel penas ap o Davideste: “Dja pral! Me dau kol Filistarjen an tire wasta.”

Josua 8:7

Un ap ko tsiro, kai mer lendar nashah, wenn tumer dran tumaro khatepen win, un lenn o foro dren. O baro Dewel hi tumaro Dewel un dell tumen o foro an o wast.

Čačepangre 6:39

Un o Gideon penas ap o Debleste: “Ma muk tiri choli ap mande chatchrell, te mangau tut gomme jek kopo: Kamau les i duito kopo i bakrengre ballentsa te krell. Kau kopo muk kek pani ap o bakrengro bal te well, kokres i tseli phub trujel te well sapenes.”

Čačepangre 7:7

Un o baro Dewel penas ap o Gideon: “Kol triin-shelentsa, kai o pani pengre tchipjentsa pijan, kamau me i Midianarja an tiro wast te dell, un o Israel dran lengre wasta win te lell. Kol wawar lurden muk khere te djal!”

Čačepangre 7:9

Un an koi rat penas o baro Dewel ap o Gideon: “Ste pre, un dja tele kote, kai i Midianarja tchiddo hi! Me dom len an tiro wast.

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 23:2

Kote putchas o David o baro Deblestar: “Djap me pre ap kol Filistarja?” Un o baro Dewel penas: “Dja ap lende! Tu mareh len un leh o foro Kehila dran lengre wasta win.”

1. Samuel 23:3

Kol mursha, kai pash o Davideste hi, penan ap leste: “Kate an Juda hi men doha daar. Har nai djah mer an Kehila te maras men i Filistarentsa?”

1. Samuel 23:5

Un o David djas peskre murshentsa an Kehila. Un jon maran pen i Filistarentsa, dan bud lendar mulo un tradan lengre viechen krik. Jaake las o David o foro Kehila dran lengre wasta win.

1. Samuel 28:6

Un o Saul putchas o baro Debles, hoi te krell lo. Un kowa penas leske tchi, das les kek suni, rakras gar leha kol tikne barrentsa, hoi witsedo wan, te sikrenn le, hoi kerdo hunte wella. Witar gar nai penas leske i Debleskro rakepaskro, hoi te krell lo.

1. Samuel 30:8

Un o David putchas o baro Deblestar un penas: “Lap me kol marepangren palla? Un taprau len me palle?” Un o baro Dewel penas ap leste: “Le len palla! Un tu tapreh len un leh i pandlen dran lengre wasta win!”