1. Samuel 23:18 - O Debleskro Drom 2021 (Sinte)

¹⁸ Un jon dui dan pen sowel glan o baro Debleste, te atchenn le mala. Un o David atchas an Horesha, un o Jonatan djas pale khere.

O Debleskro Lab 2024 (Sinte-Manouche)

¹⁸ Oun yon douy dan pen sovel glan o baro Debleste, te ačenn le mala. Oun o David ačas an Horesha, oun o Yonatan djas pale khere.

1. Samuel 23:18 ပူးပေါင်းရင်းမြစ်များ

2. Samuel 21:7

Un job rodas efta murshen win. O Mefi-Boshet, koleskro dad o Jonatan his un koleskro papo o Saul his, kowa his gar mank kolende. Glan i tsiro das o David glan o baro Debleste o Jonataneske i sowel, te mukell lo leskre tchawen djido.

2. Samuel 9:1

Un o David putchas: “Atchas jek djido o Sauleskre menshendar, te krap latchepen ap leste? Kowa krau me o Jonataneske.”

1. Samuel 18:1

Un pal kol laba, hoi o David o Sauleha rakras, las o Jonatan i kamlepen o Davideske an o dji, un job kamas les peskro tselo djijeha har peskro djipen.

1. Samuel 18:3

Un o Jonatan un o David dan pen sowel, te hi le mala. O Jonatan kamas les budeder har peskro djipen,

1. Samuel 20:42

“Atch mo Debleha”, penas o Jonatan ap o David. “O baro Dewel mu krell, te bistras gar, hoi mer dui menge win kram, un dam men sowel glan leste. Ninna mire tchawe un tire tchawe, un kolla, kai pal lende wenna, hunte rikrenn pen ap kowa hako tsireske.”

1. Samuel 20:8

Jaake mangau tut: Ab latches ap mande, tiro budepaskro, un rike tiro lab, hoi mer dui men glan o baro Debleste sowel dam, te ham mala. Me te anom doosh ap mande, palle de tu man mulo! Ma an man pash tiro dadeste!”

1. Samuel 21:1

Un o David kras pes ap o drom un djas peske. Un o Jonatan djas pale an o foro.