1. Samuel 23:13 - O Debleskro Drom 2021 (Sinte)

¹³ Kote kras pes o David ap o drom khetne peskre murshentsa. Kolla his jaake shob-sheel mursha. Un jon djan penge dran o foro Kehila, un djan trujel an o tselo them dran jek khatepen an o wawar. Un o Sauleske was penlo, te nashas o David peske dran o foro Kehila. Un har job kowa shunas, mukas lo tele te djal an Kehila.

O Debleskro Lab 2024 (Sinte-Manouche)

¹³ Kote kras pes o David ap o drom khetne peskre morshentsa. Kolla his yaake shob-sheel morsha. Oun yon djan penge dran o foro Kehila, oun djan trouyel an o tselo them dran yek khatepen an o vavar. Oun o Sauleske vas penlo, te nashas o David peske dran o foro Kehila. Oun har yob kova shounas, moukas lo tele te djal an Kehila.

1. Samuel 23:13 ပူးပေါင်းရင်းမြစ်များ

2. Samuel 15:18

Un leskre tsele lurde djan ap leskre dui rigja, ninna i tsele Kretarja un i tsele Pletarja. Kolla dran o foro Gat djan glan leste. Kolla his shob-sheel mursha, kai leske dran o foro Gat palla djan.

2. Samuel 15:20

Taissar wal tu, un kai diwes nashals tuke mentsa kai un koi? Me djinau gar, kai te djap. Risse trujel un le kol wawaren dran Gat tuha. Latchepen un tchatchepen mu well ap tiro drom!”

Hiob 5:12

Job dell kowa paash hoi penge kolla glan lan, kai kamenn i wawaren pral o kand te dell. Jaake nai krenn le tchi.

Debleskri gili 34:5

Me rodom o baro Debles, un job shunas man. Job las man win dran miri tseli daar.

1. Samuel 22:2

Un ninna wan pash leste khetne bud wawar mursha. Mank lende his sawe, kai his palla-lino. Wawaren his sijaan, hoi nai plaissran le gar. Wawaren his i pharo dji. Un job was lengro pralstuno. Kolla lauter his jaake 400 (star-sheel) mursha.

1. Samuel 25:13

Kote penas o David ap peskre murshende: “Hakeno pandell peskro charo trul peste!” Un jaake kran le. Un o David tchiwas peskro charo ninna trujel. Un jon djan pal o Davideste: jaake 400 (star-sheel) mursha. Un 200 (dui-sheel) atchan pale ap i platsa, te denn le pre jak.