1. Samuel 23:10 - O Debleskro Drom 2021 (Sinte)

¹⁰ Un o David rakras ap o baro Debleste: “Baro Dewel, tu o Israeleskro Dewel, me shunom, te hi o Saul pashel, te well lo an o foro Kehila, un te kamell lo lauteren kate mulo te dell doleske, kai me, tiro budepaskro kai hom.

O Debleskro Lab 2024 (Sinte-Manouche)

¹⁰ Oun o David rakras ap o baro Debleste: “Baro Devel, tou o Israeleskro Devel, me shounom, te hi o Saul pashel, te vell lo an o foro Kehila, oun te kamell lo lauteren kate moulo te dell doleske, kay me, tiro boudepaskro kay hom.

1. Samuel 23:10 ပူးပေါင်းရင်းမြစ်များ

1. Mose 18:24

Te hi an ko foro 50 (paash-sheel) menshe, kai krenn, hoi mishto un tchatcho hi, kameh tu kolen ninna te marell? Te hatseh kote 50 (paash-sheel) menshen, kai kek tchilatchepen kran, de o fores kek phagi!

Ester 3:6

An leskre jaka his kowa gar doha, te taprell lo peske o Mordekai kokres. Job kamas ninna leskre menshen te marell. Har shunas lo, kai o Mordekai i biboldo hi, rodas lo, har nai marell lo i tsele bibolden, kai djiwenn an kol themma, kai o Ahasveros o baro rai hi.

Gosewe laba 28:15

I tchilatcho, kai hi o baro rai pral tchorwele menshende, hi har i lewo, hoi bares gole dell, un har i diwjo viecho, hoi bokell ap peskro chapen.

1. Samuel 22:19

Ninna an o foro Nob, kai i rashaja djiwan, mukas o Saul lauteren te marell o chareha, murshen un djuwjen, tchawen un ternepen. Ninna i grumjen un i burike un i bakre das lo o chareha mulo.

1. Samuel 23:11

Baro Dewel, tu o Israeleskro Dewel, pen mange: Kal menshe, kai an kau foro Kehila djiwenna, denn kolla man an o Sauleskro wast? Un well o Saul tchatchepah kai tele, jaake har me shunom?” Un o baro Dewel penas: “Awa, job wella tele!”

1. Samuel 23:8

Un o Saul mukas peskre tsele lurden khetne gole te dell, te djan le leha tele an Kehila, un te tchiwenn le pen glan o foreskro baro wudar tardo, bis te o David palle win hunte well.

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”