1. Samuel 22:4 - O Debleskro Drom 2021 (Sinte)

⁴ Un job anas len glan o rajeste pral o them Moab. Un jon atchan pash leste, jaake rah har o David an ko khatepen ap koi berga his.

O Debleskro Lab 2024 (Sinte-Manouche)

⁴ Oun yob anas len glan o rayeste pral o them Moab. Oun yon ačan pash leste, yaake rah har o David an ko khatepen ap koy berga his.

1. Samuel 22:4 ပူးပေါင်းရင်းမြစ်များ

2. Samuel 24:11

Har stas o David taissarlake pre, was o Debleskro rakepaskro, o Gad, pash leste. O Gad his o Davideskro dikepaskro. Un o baro Dewel rakras leha un penas ap leste:

2. Samuel 8:2

Job das ninna kol Moabarja un penas, te tchiwenn le pen ap i phub. Un dui i trinendar kras lo mulo, un jek i trinendar mukas lo djido. Jaake was o Davides penepaske pral kol Moabende. Un jon hunte dan les rup un sonakai.

1. Familjakro liil 11:16

Kote his o David an peskro khatepen an i berga. Un kol Filistarja, kai jak dan, his an o foro Betlehem.

1. Familjakro liil 12:16

Jon djan wergel o pani Jordan an o ersto tchon, har o pani jaake bud his, te djas lo pral peskre dui rigja, un kol telstune themma kai kote tchiddo hi, tele tchinlo his.

1. Familjakro liil 21:9

Un o baro Dewel rakras ap o Gad. Kowa his o Davideskro dikepaskro. Un penas ap leste:

1. Familjakro liil 29:29

Ko tselo wawar koowa, hoi pral o Davideskro djipen penepaske hi, kowa hi tchinlo an kol triin lila: ‘O liil pral o dikepaskro, o Samuel’, un ‘o liil pral o Debleskro rakepaskro, o Natan’, un ‘o liil pral o dikepaskro, o Gad’.

2. Familjakro liil 29:25

Un job penas, te tchiwenn pen i Levitarja pre an o baro Debleskro kheer un lenn pengre bashepangre an o wast: kol zimbale, harfe un wawar dorjengre bashepangre. Jaake penas les o David, har leske penlo was, kai o baro Dewel kowa jaake kamell. Kowa penan leske o dikepaskro, o Gad, un o Debleskro rakepaskro, o Natan.

Nehemia 6:11

Me penom: “I mursh, har me hom, nashell gar krik. Patseh, te djoms an o Debleskro kheer, te atchap djido? Me djau gar dren!”

Debleskri gili 11:1

I gili o rajeske pral i gipangre. O David kras kai gili. Me tchiwau miro tselo patsepen ap o baro Debleste. Har nai penenn tumer palle ap mande: “Naash har i tchirklo an i berge!

Mateo 10:23

Te lenn le tumen an jek foro palla, palle nashenn an i wawar foro! Tchatchepah, me penau tumenge, tumer wenna gar an hako foro an o them Israel jaake rah har o Mensheskro Tchawo gar pale was.

1. Samuel 22:3

Kotar djas o David dureder un was an o them Moab an o foro Mizpe, un penas kote ap o rajeste pral i Moabarja: “Muk miro dades un miri dai pash tute te well un pash tute te atchell jaake rah, bis te me djinau, hoi o Dewel mantsa krella.”

1. Samuel 22:5

Un o Debleskro rakepaskro, o Gad, penas ap o David: “Ma atch an ko khatepen ap koi berga, dja khere an o them Juda!” Un o David djas un was an o weesh Heret.