1. Samuel 22:23 - O Debleskro Drom 2021 (Sinte)

²³ Atch pash mande un ma dare! Job, kai man kamell te marell, kowa kamell tut ninna te marell. Kate pash mande nai krell lo tut tchi.”

O Debleskro Lab 2024 (Sinte-Manouche)

²³ Ač pash mande oun ma dare! Yob, kay man kamell te marell, kova kamell tout ninna te marell. Kate pash mande nay krell lo tout či.”

1. Samuel 22:23 ပူးပေါင်းရင်းမြစ်များ

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

1. Rajengro liil 1:7

Un o Adonija rakras kol dui murshentsa, o Joab, koleskri dai i Zeruja his, un o rashajeha, o Abjatar. Kolla dui rikran ap o Adonija.

1. Rajengro liil 2:26

Un ap o rashajeste Abjatar penas o baro rai: “Dja an o foro Anatot, kote kai tiri phub hi. Ninna te hunte merals, kamau tut kau diwes gar te marell. Tu hidjral ko mochton, kai o Debleskre laba dren hi, glan miro dadeste, o David. Un tu rikral win khetne miro dadeha, kol tsele duka, hoi ap leste wan.”

Mateo 24:9

Palle taprenn le tumen, denn tumen dawa, un marenn tumen. Un i menshe an i tsele themma wenna chojedo ap tumende doleske, kai patsenn tumer ap mande.

Johanni 15:20

Rikrenn an tumaro shero, hoi me tumenge penom: I budepaskro hi gar bareder har leskro rai. Lan man jon palla, lenn jon tumen ninna palla. Te shunan jon ap kowa, hoi me lenge penom, shunenn jon ninna, hoi tumer lenge penenna.

Johanni 17:12

Jaake rah har me pash lende homs, dom garda ap lende an tiri soor, kai tu man dal. Me rikrom len, te djan jon gar krik tutar. Kek lendar djas nashedo. Jek kokres djas nashedo, jaake te was tchatcho, hoi lestar tchinlo was.

Johanni 18:9

Kowa penas o Jesus, te well tchatcho, hoi job glan-wi penas: “Tata, me nashrom kekes kolendar, kai tu man dal.”

1. Samuel 23:17

Un o Jonatan penas ap o David: “Ma dare, miro dadeskro wast nai hatsell tut gar. Tu weh o baro rai pral o Israel. Un me wau o duito pal tute. Un ninna miro dad, o Saul, djinell kowa mishto.”