1. Samuel 22:18 - O Debleskro Drom 2021 (Sinte)

¹⁸ Kote penas o baro rai ap o Doeg: “Ab tu, un de len mulo!” Un o Doeg, ko Edomari, was glan un das kol rashajen mulo. Un ap ko diwes meran 85 (ochta-deesh te pantch) mursha, kai an i rashajengri laintikri damdira rido his.

O Debleskro Lab 2024 (Sinte-Manouche)

¹⁸ Kote penas o baro ray ap o Doeg: “Ab tou, oun de len moulo!” Oun o Doeg, ko Edomari, vas glan oun das kol rashayen moulo. Oun ap ko dives meran 85 (orhta-deesh te panč) morsha, kay an i rashayengri layntikri damdira rido his.

1. Samuel 22:18 ပူးပေါင်းရင်းမြစ်များ

2. Familjakro liil 24:21

Koi rakran le pen mank pende tele, te marenn le les, un witsran les i barrentsa mulo ap i glanstuni platsa glan o baro Debleskro kheer. Jaake penas les lenge o baro rai, o Joash.

Debleskri gili 78:64

I rashaja wan maredo o chareha, un lengre romja nai rowan gar pral pengre mule romende.

2. Mose 28:40

Ninna o Aroneskre tchawenge kre gada, pereskre pandepangre un rashajengre stadja, hoi railo un shukar hi.

Gosewe laba 24:15

Ma lure har i tchilatcho ap o kheer kolestar, kai an o tchatchepen tardo hi! Ma de koi platsa khetne, kai tchiwell lo pes sopaske!

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.

Hosea 7:3

Pengro tchilatchepah krenn le o baro rajes bachtelo, un pengro chochepah i pralstunen.

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

1. Samuel 2:18

Un o Samuel his o baro Debleske koi. Kau tchawo his rido an i rashajeskri laintikri damdira.

1. Samuel 2:28

Dran i tsele familje, kai wenna kol deesh-te-dui Israeleskre tchawendar, rodom me o kheer Aron win, te wenn kol mursha rashaja mange, te chatchrenn le mange viechen ap miri chatchepaskri, ninna te chatchenn le mange sungepaskro koowa. Me dom len i rashajengre damdira, te riwenn le len, te wenn le glan mande. Ninna dom len o tchatchepen, te chan le ko massestar, hoi mange chatchedo wella.

1. Samuel 2:36

Kowa, kai dran tiro kheer pral atchas, well palle pash leste un witsrell pes tele glan leste, te mangell lo peske i rupeni bema un i kotar maro lestar, un penell ap leste: “Muk man rashajengre budi te krell, te well man i kotar maro te chal.”