1. Samuel 22:17 - O Debleskro Drom 2021 (Sinte)

¹⁷ Un o baro rai Saul penas ap kol lurdende, kai trul leste tardo hi: “Djan ap lende un denn kal rashajen o baro Deblestar mulo. Lengre wasta his o Davideha. Jon djinan, te hi lo ap o naashepen un penan kowa mange gar.” Kol mursha kaman gar o baro Debleskre rashajen an-taprell un kaman len gar mulo te dell.

O Debleskro Lab 2024 (Sinte-Manouche)

¹⁷ Oun o baro ray Saul penas ap kol lourdende, kay troul leste tardo hi: “Djan ap lende oun denn kal rashayen o baro Deblestar moulo. Lengre vasta his o Davideha. Yon djinan, te hi lo ap o naashepen oun penan kova mange gar.” Kol morsha kaman gar o baro Debleskre rashayen an-taprell oun kaman len gar moulo te dell.

1. Samuel 22:17 ပူးပေါင်းရင်းမြစ်များ

2. Samuel 15:1

Un koi pal was kowa jaake, kai o Absalom peske i wurdin las, un graja, un paash-sheel murshen, kai nashan glan leste.

1. Rajengro liil 1:5

Un o Adonija, koleskri dai o Davideskri romni, i Haggit his, kowa kras pes baro un penas: “Me, me kamau baro rai te well!” Un job las peske wurdja un graja, un i paash-sheel mursha, te nashenn le glan leste.

1. Rajengro liil 14:27

Doleske mukas o baro rai Rehabeam shilte te krell dran lolo saster, un das len i pralstunende pral kol lurdende, kai dan garda pash o baro wudar glan leskro kheer.

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

2. Rajengro liil 10:25

Har kolla pre chatchan, penas o Jehu ap kol klistende un pralstune lurdende: “Djan dren un denn lauteren mulo! Mukenn kekes krik nashell!” Un jon dan len o chareha. Un kol lurde, kai jak dan un pralstune lurde witsran kolen win, kai mulo hi, un djan dureder dren an o kheer o deblestar Baal.

2. Mose 1:17

Kol dui chatchede chalja daran o Deblestar un shunan gar ap o baro rajeste, hoi job penas. Jon mukan ninna kol mursh tchawen te djiwell.

Bičepangre 4:19

O Petro un o Johanni penan ap lende: “Penenn menge, hi kowa mishto glan o Debleste, te shunas mer budeder ap tumende har ap o Debleste?

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.

1. Samuel 2:31

Djiness, ko tsiro wella, koi dau i tsele terne murshen mulo an tiro kheer un an tiro dadeskro kheer, jaake te well kek phuro an tiri familja.

1. Samuel 20:33

Kote witsras o Saul peskro witsepaskro tchuri pal leste, te dell lo les mulo. Kote haiwas o Jonatan, te las peske o Saul soreles glan, te dell lo o Davides mulo.

1. Samuel 22:13

Un o Saul penas: “Hoske tchiwan tumen khatar mande khetne, tu un o Isajeskro tchawo, jaake te dal tu les maro un i charo, un putchal o Debles leske, hoi lo hunte krell? Doleske nai hadell lo pes kanna ap mande un lell man palla, jaake har kau diwes hi.”

1. Samuel 22:16

“Ahimelech”, penas o baro rai, “tu hunte meress, tu un tiro dadeskro tselo kheer!”

1. Samuel 25:17

Un kanna dik, hoi tu gomme nai kreh! Te well tchi kerdo, palle well i bibacht pral maro rajeste un leskro tselo kheer. Ko patsau soreles. Job hi sau tchilatcho mensho, te nai rakrell jek leha gar.”

1. Samuel 8:11

“Kowa hi, hoi tumaro baro rai tumentsa krella”, penas o Samuel: “Tumare mursh tchawen lell lo tumendar, te wenn le leskre lurde, kai beshenn ap leskro wurdin un ap leskre graja, un te nashenn le glan leskro wurdin.