1. Samuel 22:10 - O Debleskro Drom 2021 (Sinte)

¹⁰ Un kowa putchas o baro Deblestar leske, das les maro; un ko charo ko Filistarestar Goliat das lo les ninna.”

O Debleskro Lab 2024 (Sinte-Manouche)

¹⁰ Oun kova poučas o baro Deblestar leske, das les maro; oun ko rharo ko Filistarestar Goliat das lo les ninna.”

1. Samuel 22:10 ပူးပေါင်းရင်းမြစ်များ

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 21:10

Un ko rashai penas: “Men hi ko charo o Filistarestar Goliat kate, koles tu maral an o telstuno them Elah. Leskro charo hi an i baja dren pandlo un hi pal o rashajeskri damdira tchiddo. Te kameh les tuke te lell, palle le les tuke. Kek wawar charo hi kai.” Un o David penas: “Sawo charo dell kek duito kopo. De les mande!”

1. Samuel 22:11

Kote bitchras o baro rai Saul murshen koi, un mukas o rashajes, o Ahimelech, koleskro dad o Ahitub hi, pash peste gole te dell, ninna leskro tselo dadeskro kheer, i tsele rashaja dran Nob. Un jon wan lauter glan o baro rajeste.

1. Samuel 22:13

Un o Saul penas: “Hoske tchiwan tumen khatar mande khetne, tu un o Isajeskro tchawo, jaake te dal tu les maro un i charo, un putchal o Debles leske, hoi lo hunte krell? Doleske nai hadell lo pes kanna ap mande un lell man palla, jaake har kau diwes hi.”

1. Samuel 22:15

Ko diwes his gar o ersto kopo, kai putchom o Debles leske! Sawo koowa krau me gar, te phukrap ap tute! Miro baro rai, ma tchip sawi phari doosh ap mande, witar gar ap miro dadeskro kheer. Me djinom kolestar lauterestar gar tchi.”

1. Samuel 23:12

Un o David putchas les pale: “Denn kalla, kai kate an Kehila djiwenn, man un kol murshen, kai pash mande hi, an o Sauleskre wasta?” Un o baro Dewel penas: “Awa, jon denn tut an leskre wasta!”

1. Samuel 23:2

Kote putchas o David o baro Deblestar: “Djap me pre ap kol Filistarja?” Un o baro Dewel penas: “Dja ap lende! Tu mareh len un leh o foro Kehila dran lengre wasta win.”

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”

1. Samuel 30:8

Un o David putchas o baro Deblestar un penas: “Lap me kol marepangren palla? Un taprau len me palle?” Un o baro Dewel penas ap leste: “Le len palla! Un tu tapreh len un leh i pandlen dran lengre wasta win!”