1. Samuel 21:5 - O Debleskro Drom 2021 (Sinte)

⁵ Un o rashai penas ap o David: “Man hi kek maro, kokres ko maro, hoi o Debleske hi. Kowa nai dau tumende, te tapran kol mursha, kai pash tute hi, kek djuwjat an!”

O Debleskro Lab 2024 (Sinte-Manouche)

⁵ Oun o rashay penas ap o David: “Man hi kek maro, kokres ko maro, hoy o Debleske hi. Kova nay dau t'mende, te tapran kol morsha, kay pash toute hi, kek djouvyat an!”

1. Samuel 21:5 ပူးပေါင်းရင်းမြစ်များ

2. Mose 19:14

Koi djas o Mose i berga tele un penas i menshenge, te krenn le pen djudjo o Debleske. Un hakeno thowas peskre koola.

2. Mose 19:15

Un job penas: “Rikrenn tumen djudjo o triinto diweske! Un kek mursh taprell an kau tsiro peskri romjat an!”

2. Mose 25:30

Ap i chapaskri wenn hako tsiro i Debleskre mare tchiddo, te dikap len.

3. Mose 24:9

Kal mare hi o Aroneske un leskre mursh tchawenge. Un jon hunte chan len ap i Debleskri platsa. Kal mare hi lengro kotar kolestar, hoi o baro Debleske chatchedo well, un hi kokres i rashajenge. Jaake hunte well kowa kerdo hako tsireske.

3. Mose 8:26

Dran koi korba an kolate o maro hi, an koleste kek shutlo jarro hi, un hoi o baro Debleske dino was, las lo jek merkli, kai kek shutlo jarro dren hi, jek djeteskri merkli, un jek sano maro. Un tchiwas len ap ko kotja thulepen, un ap ko pralstuno kotar o tchatchi herjatar.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

1. Korintarja 7:5

Kek tumendar te rikrell pes kol wawarestar pale! Tumer nai rikrenn tumen i tikno tsiro pale, te kamenn tumer dui kowa, te mangenn o Debles an. Un pal kowa awenn pale khetne har rom un romni! Te krenn tumer kowa gar, palle nai well, te han buder gar o rai pral tumende un perenn an o bengeskro wast.

1. Petro 3:17

Te krenn tumer latcho koowa, un dran kowa krenn le tumentsa tchilatcho koowa, palle hi kowa feteder, har te krans tumer tchilatcho koowa. Jon nai dukrenn tumen gar, te mukals len o Dewel gar.