1. Samuel 21:10 - O Debleskro Drom 2021 (Sinte)

¹⁰ Un ko rashai penas: “Men hi ko charo o Filistarestar Goliat kate, koles tu maral an o telstuno them Elah. Leskro charo hi an i baja dren pandlo un hi pal o rashajeskri damdira tchiddo. Te kameh les tuke te lell, palle le les tuke. Kek wawar charo hi kai.” Un o David penas: “Sawo charo dell kek duito kopo. De les mande!”

O Debleskro Lab 2024 (Sinte-Manouche)

¹⁰ Oun ko rashay penas: “Men hi ko rharo o Filistarestar Goliat kate, koles tou maral an o telstouno them Elah. Leskro rharo hi an i baya dren pandlo oun hi pal o rashayeskri damdira čiddo. Te kameh les touke te lell, palle le les touke. Kek vavar rharo hi kay.” Oun o David penas: “Savo rharo dell kek douyto kopo. De les mande!”

1. Samuel 21:10 ပူးပေါင်းရင်းမြစ်များ

1. Rajengro liil 19:3

Un har o Elija kowa shunas, tapras les i daar, un job nashas peske, te atchell lo djido. Jaake was lo an o foro Beersheba. Ko his i foro an o them Juda. Un kote mukas lo peskro budepaskres.

Debleskri gili 56:1

I gili o rajeske pral i gipangre, te giwell har koi gili ‘I tauba an i dur them.’ Kai gili kras o David, har tapran les i Filistarja an o foro Gat.

Jeremia 26:21

Har shunas o baro rai Jojakim un leskre lurde un pralstune, hoi o Uria rakras, kamas o baro rai les te marell mukell. Un o Uria shunas kowa, daras un nashas peske un was an o them Egiptia.

1. Samuel 17:2

Un o Saul un i mursha dran o Israel wan khetne an i tala, kai i bare ruka tardo hi. Un tchiwan pengre plachtene khera koi pre. Palle tchiwan le pen tardo o kurepaske kol Filistarentsa.

1. Samuel 17:51

Un job nashas pash o Goliat, las leskro charo dran koleskri possita win, un das leske ko chareha o shero tele. Har i Filistarja dikan, te hi lengro sorleder mursh mulo, nashan le penge.

1. Samuel 22:10

Un kowa putchas o baro Deblestar leske, das les maro; un ko charo ko Filistarestar Goliat das lo les ninna.”