1. Samuel 20:8 - O Debleskro Drom 2021 (Sinte)

⁸ Jaake mangau tut: Ab latches ap mande, tiro budepaskro, un rike tiro lab, hoi mer dui men glan o baro Debleste sowel dam, te ham mala. Me te anom doosh ap mande, palle de tu man mulo! Ma an man pash tiro dadeste!”

O Debleskro Lab 2024 (Sinte-Manouche)

⁸ Yaake mangau tout: Ab lačes ap mande, tiro boudepaskro, oun rike tiro lab, hoy mer douy men glan o baro Debleste sovel dam, te ham mala. Me te anom doosh ap mande, palle de tou man moulo! Ma an man pash tiro dadeste!”

1. Samuel 20:8 ပူးပေါင်းရင်းမြစ်များ

1. Mose 24:49

Kanna penenn mange, kamenn tumer miro rajeske latchepen un kamlepen te krell? Un te hi kowa gar jaake, penenn mange kowa ninna. Un me djinau, hoi te krap.”

1. Mose 47:29

Har ko tsiro was, kai merell lo, kharas job peskro tchawes, o Josef, un penas ap leste: “Ab mange latcho, de tiro wast koi pre, kai rikreh tiro lab: Paske man gar an o them Egiptia!

2. Samuel 14:32

Penas o Absalom ap leste: “Shun, me bitchrom jekes pash tute un mukom tuke te penell: ‘Ab kai, te bitchrap tut pash o baro rajeste, te putchess kolestar an miro lab: Hoske wom me dran o foro Geshur an o foro Jerusalem? Mange wals feteder, te atchoms koi.’ Kanna muk man o baro rajes te dikell! Te patsell lo, kai hi i doosh ap mande, nai dell lo man mulo.”

1. Familjakro liil 12:17

Ninna mursha dran kol khera Benjamin un Juda wan pash o Davideskro sorelo kheer ap i berga.

Debleskri gili 116:11

Homs jaake phagedo, te penom: “I tsele menshe hi chochene.”

Gosewe laba 3:3

Djib hako tsiro an o latchepen un an o tchatchepen! Pande mire laba har i werkli trul tiri meen, un tchin len an tiro dji!

Bičepangre 25:11

Te kroms me i tchilatcho koowa, kai hunte marans le man, mangoms tutar gar, te atchap djido. Te krom me kowa gar, hoi jon pral mande penan, palle nai tchiwenn tumer man gar an lengre wasta. Me kamau, te well miro koowa glan o baro rajeste an o foro Rom.”

Josua 2:14

Kote penan kol mursha ap late: “Mer dah men sowel pash maro djipen: Te phukreh tu men gar, krah mer kek tchilatchepen ap tumende ap ko tsiro, kai dell men o baro Dewel kau them, un wah latches ap tumende.”

Josua 22:22

“O baro Dewel hi bareder har i tsele wawar debla! O baro Dewel hi bareder har i tsele wawar debla. Job djinell un tumer hunte djinenn kowa ninna: Mer mukam les gar un hadam men gar pral leste. Te hi kawa gar o tchatchepen, nai denn men mulo.

Ruth 1:8

penas i Naomi ap lende: “Kanna djan pale pale, hakeni an lakri dakro kheer! O baro Dewel mu dell tumen peskro latchepen, jaake har tumer latches hans ap tumare romende un ap mande.

1. Samuel 18:1

Un pal kol laba, hoi o David o Sauleha rakras, las o Jonatan i kamlepen o Davideske an o dji, un job kamas les peskro tselo djijeha har peskro djipen.

1. Samuel 18:3

Un o Jonatan un o David dan pen sowel, te hi le mala. O Jonatan kamas les budeder har peskro djipen,

1. Samuel 20:16

Hakeno mendar mu rikrell koi sowel, hoi mer men dam. Ninna tire tchawe, kai pal tute wenna, hunte rikrenn koi sowel. Te rikrenn le koi sowel gar, mu lenn le i phagi o baro Deblestar!”

1. Samuel 20:9

Un o Jonatan penas: “Har nai patseh tu sau kowa mandar? Kowa kraus me gar. Te haiwau, te las miro dad peske glan, te krell lo tuke tchilatchepen, palle penau me kowa tuke.”

1. Samuel 23:18

Un jon dui dan pen sowel glan o baro Debleste, te atchenn le mala. Un o David atchas an Horesha, un o Jonatan djas pale khere.