1. Samuel 20:31 - O Debleskro Drom 2021 (Sinte)

³¹ Jaake rah har o Isajeskro tchawo ap kai phub djiwella, jaake rah hunte daress tu tiro djipaske, un weh gar o baro rai. Kanna bitche jekes koi, te anell lo les pash mande. Job hunte merell.”

O Debleskro Lab 2024 (Sinte-Manouche)

³¹ Yaake rah har o Isayeskro čavo ap kay phoub djivella, yaake rah hounte daress tou tiro djipaske, oun veh gar o baro ray. Kanna biče yekes koy, te anell lo les pash mande. Yob hounte merell.”

1. Samuel 20:31 ပူးပေါင်းရင်းမြစ်များ

2. Samuel 12:5

Koi las o David i bari choli pral ko mursheste, un penas ap o Nataneste: “Me dau man sowel pash o djido Debleste: Ko mursh, kai kowa kras, hunte well maredo.

2. Samuel 19:28

Ninna penas job tuke chochene laba pral mande. Miro baro rai, tu hal har o Debleskro bolepaskro. Kre, hoi tuke mishto hi!

Debleskri gili 79:11

Shun, har i stilde rowenn! Tu hal jaake sorelo, rike kolen ap o djipen, kai hi jaake mishto har mulo.

1. Samuel 19:6

Un o Saul shunas ap o Jonatan un das pes sowel un penas: “Me dau man sowel pash o djido Debleste, o David hunte merell gar!”

1. Samuel 20:30

Kote chatchas i choli pre an o Saul ap o Jonatan. Un job penas ap leste: “Tu tchilatcho bedo! Patseh tu, me te djinau gar, te rodal tuke o Isajeskro tchawes win, te well lo tiro maal? Kowa hoi kral, hi i ladj tuke un tiri dake, kai tut o djipen das.

1. Samuel 20:8

Jaake mangau tut: Ab latches ap mande, tiro budepaskro, un rike tiro lab, hoi mer dui men glan o baro Debleste sowel dam, te ham mala. Me te anom doosh ap mande, palle de tu man mulo! Ma an man pash tiro dadeste!”

1. Samuel 23:17

Un o Jonatan penas ap o David: “Ma dare, miro dadeskro wast nai hatsell tut gar. Tu weh o baro rai pral o Israel. Un me wau o duito pal tute. Un ninna miro dad, o Saul, djinell kowa mishto.”

1. Samuel 26:16

Kowa his gar mishto, hoi tu kral! Me dau man sowel pash o djido Debleste: Tumer hunte wans maredo! Tumer dan gar jak ap tumaro rajeste, koles o baro Dewel peske win rodas! Dik! Kai hi o baro rajeskro witsepaskro tchuri un o panjeskro khoro, hoi pash leskro shero tardo his?”