1. Samuel 20:30 - O Debleskro Drom 2021 (Sinte)

³⁰ Kote chatchas i choli pre an o Saul ap o Jonatan. Un job penas ap leste: “Tu tchilatcho bedo! Patseh tu, me te djinau gar, te rodal tuke o Isajeskro tchawes win, te well lo tiro maal? Kowa hoi kral, hi i ladj tuke un tiri dake, kai tut o djipen das.

O Debleskro Lab 2024 (Sinte-Manouche)

³⁰ Kote rhačas i rholi pre an o Saul ap o Yonatan. Oun yob penas ap leste: “Tou čilačo bedo! Patseh tou, me te djinau gar, te rodal touke o Isayeskro čaves vin, te vell lo tiro maal? Kova hoy kral, hi i ladj touke oun tiri dake, kay tout o djipen das.

1. Samuel 20:30 ပူးပေါင်းရင်းမြစ်များ

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Gosewe laba 14:29

Kowa, kai gar sik chojedo well, hi gosewo. Koon sik chojedo wella, sikrell har dinelo job hi.

Gosewe laba 15:2

O gosewo rakrell jaake, te haiwenn i wawar, hoi mishto hi. Dran o narweleskro mui well tchi har dinlepen.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Gosewe laba 19:19

Kowa, kai dran i bari choli tchomone kras, muk les peskri phagi te lell. Weh tu ap leskri rig, hunte kress tu kowa pale te pale.

Gosewe laba 21:24

Ko baro-mujeskro, kai dikell tele ap i wawarende, well pre-phurdo kharedo. Job patsell, te nai krell lo lauter un kek les pale rikrell.

Gosewe laba 25:28

Jaake har i foro, kai kek massuri trul leste hi, jaake hi i mursh, kai nai rikrell gar peskri choli pale.

Gosewe laba 27:3

Phares hi barra un tchik. Dui kope phareder hi i choli, hoi jekes hi pral i dinelestar.

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

Efesarja 4:31

Awenn ap kekeste tchilatcho un chojedo! Tchingrenn ap kekeste, un praassenn kekes!

Efesarja 6:4

Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

1. Samuel 20:29

Job penas: ‘Muk man koi te djal! Mire menshe anenn o Debleske viechen an o foro. Un miro phraal penas, me hunte wap. Te hom tiro maal, palle muk man te djal, te dikap mire phralen!’ Doleske was lo gar pash tiro chapen.”

1. Samuel 20:31

Jaake rah har o Isajeskro tchawo ap kai phub djiwella, jaake rah hunte daress tu tiro djipaske, un weh gar o baro rai. Kanna bitche jekes koi, te anell lo les pash mande. Job hunte merell.”