1. Samuel 20:29 - O Debleskro Drom 2021 (Sinte)

²⁹ Job penas: ‘Muk man koi te djal! Mire menshe anenn o Debleske viechen an o foro. Un miro phraal penas, me hunte wap. Te hom tiro maal, palle muk man te djal, te dikap mire phralen!’ Doleske was lo gar pash tiro chapen.”

O Debleskro Lab 2024 (Sinte-Manouche)

²⁹ Yob penas: Mouk man koy te djal! Mire menshe anenn o Debleske firhen an o foro. Oun miro phraal penas, me hounte vap. Te hom tiro maal, palle mouk man te djal, te dikap mire phralen! Doleske vas lo gar pash tiro rhapen.”

1. Samuel 20:29 ပူးပေါင်းရင်းမြစ်များ

1. Samuel 16:2

O Samuel penas: “Har nai krau kowa? Te shunell o Saul kowa, pale mukell job man te marell.” Koi pre penas o baro Dewel: “Le i terni grumni tuha, un pen ‘Me wom te anap kai grumni o baro Debleske!’

1. Samuel 17:28

Leskro phureder phraal, o Eliab, shunas, har job kol murshentsa rakras. Un an leste chatchras i bari choli pre pral o Davideste, un penas: “Hoske wal tu kai? Un kones mukal tu ap kol bakre jak te dell an o mulo them? Me prindjrau tut mishto, tu tikno pre-phurdo un tchi-moldo! Tu wal kai, te dikess tuke o marepen an.”

1. Samuel 20:28

Kote penas o Jonatan ap o Saul: “O David mangas man peskro tselo djijeha, te nai djal lo an o foro Betlehem.

1. Samuel 20:30

Kote chatchas i choli pre an o Saul ap o Jonatan. Un job penas ap leste: “Tu tchilatcho bedo! Patseh tu, me te djinau gar, te rodal tuke o Isajeskro tchawes win, te well lo tiro maal? Kowa hoi kral, hi i ladj tuke un tiri dake, kai tut o djipen das.