1. Samuel 20:1 - O Debleskro Drom 2021 (Sinte)

¹ Un o David nashas krik kol kherendar, kai o Debleskre rakepangre djiwenn an o foro Rama, un djas pash o Jonatan, un putchas lestar: “Hoi krom me? Hawi doosh anom me ap mande? Hoi krom me tiro dadeske, te rodell lo man, te dell lo man mulo?”

O Debleskro Lab 2024 (Sinte-Manouche)

¹ Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

1. Samuel 20:1 ပူးပေါင်းရင်းမြစ်များ

Debleskri gili 54:3

Miro Dewel, sike koon tu hal un ab ap miri rig! Sike tiri soor un kre, te lap miro tchatchepen!

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

1. Johanni 3:21

Latche phrala un phenja, te penell menge maro dji gar, te lam doosh ap mende, hi men kek traash, te was glan o Debleste.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”

1. Samuel 19:1

Un o Saul rakras peskro tchaweha un peskre budepangrentsa, te kamell lo o Davides te marell. O Jonatan, kai kamas o Davides o djijestar,

1. Samuel 19:18

O David nashte nashas peske, un djas pash o Samuel an o foro Rama un penas leske halauter, hoi o Saul leha kras. Un o David djas khetne o Samueleha pash i khera, kai o Debleskre rakepangre djiwan, un jon atchan koi.

1. Samuel 20:2

Un o Jonatan penas: “Kowa nai well gar jaake! Tu hunte meress gar. Miro dad krell tchi, kek baro koowa, witar kek tikno koowa, te rakras lo gar mantsa. Hoske rikrals lo kau koowa glan mande khatedo? Na-a, kawa hi gar jaake.”

1. Samuel 20:32

Un o Jonatan putchas peskro dadestar, o Saulestar: “Hoske hunte merell lo? Hoi kras lo?”

1. Samuel 24:11

Kau diwes nai dikeh tire jakentsa, te das tut o baro Dewel an mire wasta, har hals tu an koi grotta. Un mange penan le, te dap tut mulo. Un me krom tut tchi. Me penom mange: Me kamau gar miro wast ap miro rajeste te tchiwell, koles o baro Dewel win rodas, te well lo baro rai.

1. Samuel 24:12

Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.

1. Samuel 24:17

Har o David kol laba ap o Sauleste rakras, penas o Saul: “Shunau me gar tut, miro tchawes David, kate?” Un o Saul rowas soreles.

1. Samuel 24:9

Kote stas o David ninna pre, un djas ninna win, un das pal o Sauleste palla gole: “Miro baro rai!” Un o Saul rissras pes trujel. Un o David witsras pes glan leste tele o mujeha ap i phub,

1. Samuel 26:18

Un job rakras dureder: “Hoske lell miro rai man, peskro budepaskres, palla? Hoi krom me? Hawo tchilatchepen hi ap mande?