1. Samuel 2:7 - O Debleskro Drom 2021 (Sinte)

⁷ O baro Dewel krell tchorwelo un job krell brawelo, ko jekes krell lo tikno, un ko wawares baro.

O Debleskro Lab 2024 (Sinte-Manouche)

⁷ O baro Devel krell čorvelo oun yob krell bravelo, ko yekes krell lo tikno, oun ko vavares baro.

1. Samuel 2:7 ပူးပေါင်းရင်းမြစ်များ

2. Rajengro liil 9:6

Koi stas job pre un djas an o kheer dren. Un o Debleskro rakepaskro tchoras ko djet ap leskro shero un penas ap leste: “Kowa penell o baro Dewel, ko Dewel pral o Israel: Me makau tut kau djeteha dren, te wess baro rai pral mire menshende, i Israelende.

1. Familjakro liil 29:12

Brawlepen un sharepen well tutar. Tu kokres hal o rai. Tu kreh sorelo un baro, un nai kreh i menshes baro un sorelo.

2. Familjakro liil 32:27

O Hiskija his latches an-diklo, un les was bud un budeder brawlepen. Un job kras peske khera, kai was pre-hadedo leskro rup, sonakai, kutch barra, sungepaskro djet, shilte, un wawar kutch koowa.

2. Familjakro liil 32:29

Un job kras peske forja. Un les his bud bakre un grumja. Ko tselo brawlepen das les halauter o Baro Dewel.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 40:12

Awa, dik ap kol pre-phurde, un kre len tiknes! Un stake i tchilatchen ap jek kopo khetne!

Hiob 5:11

Job krell kolen baro, ap kolende i wawar tele dikan. Un kolenge ropaske hi, kolen krell lo bachtelo.

Debleskri gili 102:10

An tiri choli dal tu man trad, hadal man pre un witsral man pale tele ap i phub. Doleske chau jagakri tchik har maro. Un mire swa perenn an miro pipen.

Debleskri gili 75:7

Tchatcho barepen well gar kotar, kai o kham pre-djala, un gar kotar, kai o kham tele djala, witar gar dran o mulo tato them.

Debleskri gili 75:8

Na-a, o Dewel hi o tchatchepaskro rai, kai ko jekeske i soor krik lell, un o wawares bares krell.

Gosewe laba 22:2

Brawelen un tchorwelen hi jek koowa khetne: Kol dujen kras o baro Dewel.

Jesaja 2:12

Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jeremia 49:15

O baro Dewel penell ap o them Edom: Tu djiweh pral an i berge mank i bare barra. Kal berge hi tire. Un i wawar menshe darenn tutar. Doleske phurdal tu tut pre, un penal tuke: Me hom o bareder. Kanna shun, tiro dji chochras tut. Ninna te kreh tiro kheer jaake dur pral ap i berga har i adlari, witsrau me tut kotar tele. Me krau tut tikno mank i natsjone. Un i menshe an wawar themma dikenn tele ap tute. Kowa penell o baro Dewel.

Ezekiel 17:24

Un i tsele ruka an o them dikenn un haiwenn, te hom me o baro Dewel. I baro rukes krau tikno, un i tikno rukes krau baro. I senelo rukes mukau tele te merell, un i truk rukes senelo te well. Me, o baro Dewel, penau kowa, un krau kowa ninna.

Jakobo 4:10

Witsrenn tumen tele glan o Debleste! Un job krell tumen bares.