1. Samuel 2:6 - O Debleskro Drom 2021 (Sinte)

⁶ O baro Dewel dell temerl, un job krell djido. Job anell tele pash i mulende un pale pre.

O Debleskro Lab 2024 (Sinte-Manouche)

⁶ O baro Devel dell temerl, oun yob krell djido. Yob anell tele pash i moulende oun pale pre.

1. Samuel 2:6 ပူးပေါင်းရင်းမြစ်များ

1. Rajengro liil 17:22

Un o baro Dewel shunas ap o Elija, un ko djipen was pale an o tchaweste, un job was pale djido.

2. Rajengro liil 5:7

Un har o baro rai pral Israel ko liil draweras, tserdas job i koola pestar tele un penas: “Hom me o Dewel, kai nai marau un krau djido? O baro rai pral Syria bitchrell kau murshes pash mande, te krap les sasto un lap ko nasslepen ap leskro mass lestar krik. Tumer dikenn, har rodell job tchingepen mantsa!”

Hiob 5:18

Job dukrell, un palle tchiwell lo i pandepen ap ko dukepen. Job dell khetne, un leskre wasta krenn pale sasto.

Debleskri gili 116:3

O merepen pandas man an peskre shelle. Djinom buder gar dren un win, jaake baro his miri daar te hunte meroms un djoms pash i mulende.

Debleskri gili 30:4

Baro Dewel, tu lal miro djipen win dran o merepen, te djom gar an o mulengro them. Tu dal man miro djipen pale.

Debleskri gili 68:20

Sharedo well o Dewel, maro rai, hako diwes! Job hidjrell menge o pharo koowa, un well menge ap i rig.

Debleskri gili 71:20

Tu mukal bud un bari daar ap mande te well. Un tu deh man pale newo djipen, un aneh man pale win dran o telstunepen i phubjatar.

Sikepaskro 3:3

Dell jek tsiro, kai well maredo, un jek tsiro, kai well o dukepen sasto; jek tsiro, kai well o kheer tele phagedo, un jek tsiro, kai well o kheer pre-tchiddo.

Jesaja 26:19

Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Ezekiel 37:12

Doleske pen lenge laba, hoi mandar wenna. Pen lenge: Kawa penell o baro Dewel, maro rai: Mire menshe, me krau tumare grufte pre. Un mukau tumen dran tumare grufte win te well. Un me anau tumen an o them Israel.

Ezekiel 37:3

Un job penas ap mande: “Tu, mensho, wenn kal mule kokale pale djide menshe?” Un me penom: “Baro Dewel, miro rai, tu djineh kowa.”

Mateo 12:40

O Jona atchas triin diwessa un triin rati an o baro matcheskro per. Un jaake hunte atchell o Mensheskro Tchawo triin diwessa un triin rati an i phub paskedo.

Johanni 11:25

Penas o Jesus ap late: “Me hom kowa, kai djangrau len pre dran o merepen un dau len o djipen. Koon ap mande patsella, djiwella, ninna te merell job.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

Debleskro tsiro 1:18

Me hom o djido. Un me homs mulo, un kanna hom djido un djiwau hako tsireske. Man hi i soor pral o merepen. Un man hi o klidepaskro an o mulengro them.

1. Samuel 20:3

O David penas: “Tiro dad haiwas, te hom tiro maal. Doleske penas lo peske: ‘O Jonatan hunte djinell kowa gar, te dukrell kowa les gar.’” Un o David penas dureder: “Me dau man sowel glan o djido Debleste un glan tute: Mashkral mande un o merepen hi gar budeder har jek herjakro stakepen!”