1. Samuel 2:4 - O Debleskro Drom 2021 (Sinte)

⁴ I sorele lurdenge phagell lo pengre boge, kolentsa jon karje dan. Kolen, kai len kek soor buder hi, dell lo newi soor.

O Debleskro Lab 2024 (Sinte-Manouche)

⁴ I zorele lourdenge phagell lo pengre boge, kolentsa yon karye dan. Kolen, kay len kek zoor bouder hi, dell lo nevi zoor.

1. Samuel 2:4 ပူးပေါင်းရင်းမြစ်များ

Debleskri gili 18:39

Me dukrom len jaake, te nai stan le gar buder pre, un stakrom len tel mire herja.

Debleskri gili 37:15

Jon denn pen pengro chareha kokres an pengro dji tchurje, un lengre boge wenna phagedo.

Debleskri gili 37:17

Kolengri soor well phagedo. O baro Dewel rikrell kolen, kai an o tchatchepen tardo hi.

Debleskri gili 46:10

Ap o marepen penell lo: “Muk tele ap i tseli phub!” Kol kashta, kolentsa dan le karje, phagell lo khetne, un lengre chare dell lo paash, i kurepangre wurdja chatchrell lo pre.

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Debleskri gili 76:3

An o foro Jerusalem was leskro kheer kerdo, kote ap i berga Zion djiwell lo.

Jesaja 10:4

Te han gar mank kolende, kai mulo dino wan, atchell tumenge tchi pral, har te tchiwenn tumen glan tele kolentsa, kai pandle wan. Un pral kowa lauter mukell o Debleskri choli tumendar gar tele, un leskro wast atchell pre hadedo, te dell lo tumen i phagi.

Jesaja 40:29

Job dell kolen, kai khino wan, newi soor. Un an kolende, kai kek soor buder hi, dell lo newo djipen.

Jeremia 37:10

Te nai marans tumer ninna i tsele lurden dran o them Babilonia khetne, kolla kai kurenn pen tumentsa, un te atchans lendar kokres i wast pherdo pral, kai dukedo hi, palle stakrans le dran pengre plachtene khera pre, un chatchrans kau fores tele.

Jeremia 51:56

wenn kolla pral o foro Babilon, kai phagenn o foro tele. Kol sorele kurepangre an Babilon wenn pandlo, lengre boge wenn phagedo. O baro Dewel hi i Dewel, kai dell lenge ko tchilatchepen pale, hoi le kran.

2. Korintarja 12:9

Un job penas ap mande: “Muk tuke miro latchepen doha te well! Miri soor hi bari an kolende, kai gar sorelo hi.” Un me, o Paulo, penau tumenge: Doleske kamau man me te sharell, kai hi man kek soor. Jaake nai dikell hakeno, o Jesus Kristo peskri sorjah hi pash mande.

Efesarja 6:14

Awenn jaake rido har i kurepaskro, kai djal an o kurepen! Trul leskro per hi i pessi soreli dori, un ap leskro betch i sasterno gad. Ap peskre pire riwell lo sorele kircha. Glan leste rikrell lo i buchli sasterni patri. Ap leskro shero hidjrell lo i sasterni stadi un an leskro tchatcho wast i charo. Djiwenn an o tchatchepen! Kowa hi jaake har te pandan i pessi soreli dori trul tumaro per. Krenn kowa, hoi hi mishto un latcho! Kowa hi har i sasterno gad ap tumaro betch.

Filiparja 4:13

O Jesus Kristo dell man i soor, te djiwap jaake te jaake.

Hebrearja 11:32

Hoi te penap tumenge budeder? Jaake bud tsiro hi man gar, te rakrap kol murshendar Gideon, Barak, Simson, Jefta, David, Samuel un kolendar, kai his o Debleskre rakepangre.

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.