1. Samuel 2:36 - O Debleskro Drom 2021 (Sinte)

³⁶ Kowa, kai dran tiro kheer pral atchas, well palle pash leste un witsrell pes tele glan leste, te mangell lo peske i rupeni bema un i kotar maro lestar, un penell ap leste: “Muk man rashajengre budi te krell, te well man i kotar maro te chal.”

O Debleskro Lab 2024 (Sinte-Manouche)

³⁶ Kova, kay dran tiro kheer pral ačas, vell palle pash leste oun vitsrell pes tele glan leste, te mangell lo peske i roupeni bema oun i kotar maro lestar, oun penell ap leste: “Mouk man rashayengre boudi te krell, te vell man i kotar maro te rhal.”

1. Samuel 2:36 ပူးပေါင်းရင်းမြစ်များ

1. Rajengro liil 2:27

Jaake bitchras o Salomo o Abjatares khere, te atchell job buder gar rashai glan o baro Debleste. Jaake was ko lab o baro Deblestar tchatchepen, hoi job penas pral o kheer o rashajestar Eli, kowa, kai djiwas an o foro Shilo.

2. Rajengro liil 23:9

Kol rashaja, kai kol chochene deblenge budran, nai chan ko maro, kai kek shutlo jarro dren hi, khetne i wawar rashajentsa. Jon hunte chatchrenn kek viechen ap koi sasterni chatchepaskri o baro Deblestar an o foro Jerusalem.

Gosewe laba 14:19

I tchilatche hunte witsrenn pen tele glan i latchende. Awa, jon hunte witsrenn pen tele glan i wudja kolendar, kai an o tchatchepen tardo hi.

Maleachi 1:13

Un tumer penenn: ‘Dikenn, hawi budi hi men koleha! Ko well menge dran o nak win.’ Tumer anenn mange viechen, kai hi tchoredo, bango un nasselo. Penap me koi pre: ‘Kowa hi shukar, hoi tumer mange krenn’, penell o baro Dewel.

Čačepangre 17:10

Koi penas o Micha ap leste: “Atch pash mande, un ab miro rashai un pen mange, hoi o Dewel mandar kamell. Un me dau tut koleske an o bersh deesh rupene lowe, ninna kowa, hoi an-ripaske tut hunte well, un chapen un pipen.”

1. Samuel 2:35

Me mukau mange i rashajes pre te stell, kai peskri budi mishto krell. Job krell lauter jaake, har me kamau un mange shukar hi. Un me krau leske i kheer, hoi atchella. Un job budrella hako tsiro koleske, koles me wi-rodau, te well lo baro rai.

1. Samuel 3:1

An ko tsiro, har budras o terno Samuel o baro Debleske tel o rashajeste, o Eli, rakras o baro Dewel gar bud kope ap jekeste. His witar gar bud kope, kai dikas jek i Debleskro dikepen.