1. Samuel 2:30 - O Debleskro Drom 2021 (Sinte)

³⁰ Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.

O Debleskro Lab 2024 (Sinte-Manouche)

³⁰ Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.

1. Samuel 2:30 ပူးပေါင်းရင်းမြစ်များ

1. Rajengro liil 11:11

un penas ap leste: “Tu rikral tut gar ap kowa, hoi tuha win krom un rikral tut gar ap mire laba, hoi tuke penom. Doleske lau tiro them tutar krik, te atchess buder gar rai. Un dau kau them jekeste kol pralstunendar an o them.

1. Rajengro liil 2:27

Jaake bitchras o Salomo o Abjatares khere, te atchell job buder gar rashai glan o baro Debleste. Jaake was ko lab o baro Deblestar tchatchepen, hoi job penas pral o kheer o rashajestar Eli, kowa, kai djiwas an o foro Shilo.

1. Familjakro liil 17:18

Tu kral man, tiro budepaskres, jaake railo! – Hoi nai rakrau me gomme budeder? Tu djineh, hoi an miro dji hi.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

2. Familjakro liil 26:18

Un jon stakran o baro rajeske Usija an o drom un penan ap leste: Usija, hi gar tiri budi, te chatchess o baro Debleske sungepaskro koowa. Kokres o Aroneskre tchawe hi i rashaja, kai wi-rodede hi, te chatchenn le sungepaskro koowa. Dja win dran o Debleskri isema! Tu kreh, hoi gar mishto hi glan o baro Debleste. Job, kai tiro Dewel hi, sharell tut gar koleske.

Debleskri gili 18:20

Job las man win dran lengre wasta un anas man an i buchlo them. Job kamell man, doleske kras lo kowa.

Debleskri gili 18:26

Tu rikreh ap koleste, kai ap tute rikrell, un kreh, hoi mishto hi koleske, kai krella, hoi tu lestar kameh.

Debleskri gili 50:23

Kowa, kai pes pash mande parkrella, hi kowa, kai sharell man. Kowa hi o drom, kai sikrau leste, har latcho leske hom.”

Debleskri gili 73:20

Jon hi har i suni, hoi jek bistrell, te stell lo pre. Jaake bistreh tu len ap ko tsiro, kai hadeh tut tu, baro Dewel.

Debleskri gili 91:14

O Dewel penell: “Job kamell man o tselo djijestar. Doleske lau les dran kowa lauter win. Job prindjrell man. Doleske dau jak ap leste.

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

2. Mose 28:43

Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

Gosewe laba 4:8

Hidje o goswepen pral an tiro djipen, palle krell lo tut bares. Rike o goswepen soreles, palle dikenn i wawar pre ap tute.

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

Jesaja 29:13

O baro Dewel, maro rai, penas: Kal menshe sharenn man labentsa. Lengre tchipja hadenn man. Lengre djia hi dur krik mandar. Te mangenn le man an, rakrenn le palla, hoi lenge glan penlo was.

Jeremia 29:32

Doleske dau me, o baro Dewel, leste un leskri familjate i phagi. Kek lendar atchell djido mank kal menshende. Un job dikell gar ko latchepen, hoi krau ap mire menshende. Peskro rakepah anas job mire menshen mandar krik. Kowa penell o baro Dewel.

Jeremia 49:15

O baro Dewel penell ap o them Edom: Tu djiweh pral an i berge mank i bare barra. Kal berge hi tire. Un i wawar menshe darenn tutar. Doleske phurdal tu tut pre, un penal tuke: Me hom o bareder. Kanna shun, tiro dji chochras tut. Ninna te kreh tiro kheer jaake dur pral ap i berga har i adlari, witsrau me tut kotar tele. Me krau tut tikno mank i natsjone. Un i menshe an wawar themma dikenn tele ap tute. Kowa penell o baro Dewel.

Ezekiel 34:10

Kawa penell o baro Dewel, maro rai: Me djau ap i bakrengre, un kamau mire bakren dran lengro wast pale. Un me krau, te atchenn le buder gar bakrengre, te dikenn le buder gar ap pende kokres, te djal lenge mishto. Un me lau mire bakren dran lengre muja win, te wenn le lenge buder gar chapaske.

Daniel 4:34

Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Maleachi 2:3

Dikenn, hoi me kamau te krell: Kolla, kai tumendar wenna, kolen phagau. Un o ful kol viechendar, hoi tumer mange anenn, witsrau me an tumare muja. Un tumer wenn win witsedo khetne o fuleha.

4. Mose 11:20

Kowa djal jek tchon, bis te nai sungenn les buder gar, un kowa dran tumaro nak win well. Tumer tchiwan o baro Debles ap i rig, koles, kai mashkral tumende hi. Un tumer rowan glan leste un penan: ‘Hoske djam mer dran o them Egiptia?’ Doleske well kau koowa kanna ap tumende.”

4. Mose 35:34

Krenn ko them gar pale-tchiddo, kai djiwenn tumer, un kai ninna me djiwau. Me hom o baro Dewel, un djiwau mashkral tumende.

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Johanni 5:23

te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.

Johanni 5:44

Har nai patsenn tumer mange? Tumer rodenna, te well jek i wawarestar sharedo. Te wenn tumer o Deblestar sharedo, kowa hi tumenge tchi moldo.

Johanni 8:49

“Na-a,” penas o Jesus, “an mande hi kek beng. Me sharau miro dades. Tumer kamenn man gar te sharell.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

Čačepangre 9:10

Un i ruka penan ap o faigetikro ruk: Ab tu o rai pral mende!