1. Samuel 2:27 - O Debleskro Drom 2021 (Sinte)

²⁷ Un i Debleskro mursh djas pash o Eli un penas leske: Kawa penell o baro Dewel: Tu djineh mishto, har krom man prindjedo pash tire phurende, pash o kheer Aron, har i Israelitarja an o them Egiptia his un hunte budran o Faraeske.

O Debleskro Lab 2024 (Sinte-Manouche)

²⁷ Oun i Debleskro morsh djas pash o Eli oun penas leske: Kava penell o baro Devel: Tou djineh mishto, har krom man prindjedo pash tire phourende, pash o kheer Aron, har i Israelitarya an o them Egiptia his oun hounte boudran o Faraeske.

1. Samuel 2:27 ပူးပေါင်းရင်းမြစ်များ

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

1. Rajengro liil 2:27

Jaake bitchras o Salomo o Abjatares khere, te atchell job buder gar rashai glan o baro Debleste. Jaake was ko lab o baro Deblestar tchatchepen, hoi job penas pral o kheer o rashajestar Eli, kowa, kai djiwas an o foro Shilo.

2. Mose 12:1

Un o baro Dewel penas ap o Mose un ap o Aron an o them Egiptia:

2. Mose 12:43

Un o baro Dewel rakras ap o Mose un ap o Aron: “Hako kopo, kai chan tumer o chapen, hoi kharella Passa, rikrenn tumen ap kal laba: Kek wi-themari chal kau chapen.

2. Mose 4:27

An ko tsiro penas o baro Dewel ap o Aron: “Dja pash o Moseste an o mulo tato them!” Un o Aron djas koi. Un jon hatsan pen pash i Debleskri berga, un lan pen an i mussi un tchumran pen.

5. Mose 33:1

Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

1. Timoteo 6:11

Tu hal i Debleskro mursh. Rike tut ko tselo koowa pale! Kre lauter, te wess an o tchatchepen tardo, un te djiwess jaake, har o Dewel kamella! Kre ninna lauter, te atchess an o patsepen, un te kamess i menshen o tselo djijestar! Te djal tuke gar mishto, rike win! Ab latches ap i wawarende!

2. Petro 1:21

An kek tsiro was o Debleskro lab i menshendar. Kol Debleskre rakepangre rakran, hoi o Dewel lenge penas. Kowa tchiwas lenge o Debleskro Ducho an o dji.

Čačepangre 13:6

Un koi djuwel djas pash peskro romeste un penas ap leste: “I Debleskro mursh was pash mande. Un job dikas win har i bolepaskro o Deblestar, jaake te lom daar. Un doleske putchom me lestar witar gar, kai job wella. Un job penas mange gar, har job kharella.

Čačepangre 6:8

kote bitchras o baro Dewel i Debleskro rakepaskro pash lende. Un kowa penas lenge: “Kawa penell o baro Dewel, o Dewel pral o Israel: ‘Me anom tumen dran o them Egiptia win, kai tumer pandle budepangre hans,

1. Samuel 3:12

Ap ko diwes kamau me lauter pral o Eli un leskro kheer te anell, hoi me pral leste rakrom, bis te lauter jaake was, har me penom.

1. Samuel 9:4

Un jon djan an i berge Efrajim un an o tselo them Shalisha, un hatsan len gar. Palle djan le dureder an o them Shaalim – kote his le ninna gar – un dureder an o them Benjamin, un jon hatsan len gar.

1. Samuel 9:6

Ko budepaskro penas: “Dik an kau foro hi i Debleskro mursh. Un job hi an-diklo. Lauter, hoi job penell, well ninna jaake. Djas pash leste, te putchas lestar, hawo drom mer te djas.”